كِيتِسَيٍ 19:15-22

¹⁵عٍ نَشَ سٌ فِبِيَ، عٍ شَ شِ نَا. عٍ نَشَ تِ تَا تَفِ، كْنْ مِشِ يٌ مُ تِن عٍ يِفِيَدٍ.

¹⁶قٌرِ ندٍ، نَشَن كٍلِ عٍقِرَ مِ فٍيَيٍ مَبِرِ، كْنْ عَ نُ سَبَتِشِ فِبِيَ نّ، عَ نَشَ سٌ تَا كُي نُنمَرٍ، كٍلِقٍ وَلِدٍ شّ مَ. مّننِ مِشِيٍ تَن بُنيَمِن شَ دِيٍ نَن نُ عٍ رَ.

¹⁷نَ قٌرِ تٌ شْحّيٍ تٌ تَا تَفِ، عَ نَشَ عٍ مَشْرِن، «وٌ كٍلِشِ مِندٍن؟ وٌ سِفَقٍ مِندٍن؟»

¹⁸عٍ نَشَ عَ يَابِ، «مُشُ كٍلِشِ بّتّلّيمُ يُدَيَ بْشِ نَن مَ، مُشُ نَ سِفَقٍ عٍقِرَ مِ فٍيَيٍ مَ، ﭑ سَبَتِشِ دّننَشّ. ﭑ كٍلِشِ بّتّلّيمُ يُدَيَ بْشِ نَن مَ، ﭑ نَ سِفَقٍ عَلَتَلَ شَ بَنشِ، كْنْ ﭑ مُ يِفِيَ سْتْشِ سِندٍن.

¹⁹حٌوفٍ نُن بُرّشّ نَ مُشُ يِ مُشُ شَ سٌقَلٍ نَشَن دٌنمَ. تَامِ نُن وّنِ قَن نَ مُشُ يِ مُشُ نَشَن دٌنمَ، ﭑ تَن، ﭑ مَ فِنّ، نُن ﭑ مَ قٌنِكٍ كٌنيِ. سٍسٍ مُ لُشِ نَشَن مُ نَ مُشُ يِ رَ.»

²⁰نَ قٌرِ نَشَ عَ قَلَ عَ بّ، «عَلَ شَ وٌ بْحّ سَ. ﭑ بَرَ وٌ يِفِيَ، وٌ مُ لُمَ تَا تَفِ تٌ كْي رَ.»

²¹عَ نَشَ عٍ شَنِن عَ شَ بَنشِ كُي، عَ حٌوفٍ سٌ سٌقَلٍيٍ يِ. بِيَاسِلَيٍ تٌ عٍ سَنيِيٍ مَشَ، عٍ نَشَ عٍ دّفٍ، عٍ نَشَ عٍ مِن.

²²عٍ تٌ نُ نَ عٍ دّفٍقٍ، تَا مِشِ رَبّحِنشِيٍ نَشَ قَ، عٍ نَشَ بَنشِ بِلِن، عٍ نَادّ كْنكْن سّنبّ رَ. عٍ نُ قَ عَ قَلَ قٌرِ بّ، بَنشِ كَنيِ، «شّمّ نَشَن سٌشِ عِ شَ بَنشِ كُي، عَ رَ مِنِ عَلَكٌ مُشُ شَ يّنّ رَبَ عَ رَ.»