Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - كَوَندِلَ - كَوَندِلَ 8

كَوَندِلَ 8:3-16

Help us?
Click on verse(s) to share them!
3عِ نَشَ فبَتَ كٍلِدٍ مَنفّ يَ شْرِ. عِ نَشَ تِ قٍقٍ شَنبِ رَ نَشَن مُ قَن. مَنفّ عَ وَشْنقٍ نَن نَبَمَ.
4عَ لُ كِ يٌ كِ، نْي نَ مَنفّ نَن يِ. ندٍ نْمَ عَ مَتَندِدٍ؟
5مِشِ نَشَن مَنفّ شَ يَمَرِ رَبَتُمَ، قٍ حَاشِ يٌ مُ عَ سْتْمَ. شَشِلِمَ عَ حّرّ كِ نُن حّرّ وَشَتِ كٌلٌن.
6قٍ بِرِن لَنمَ عَ شَ رَبَ عَ وَشَتِ نُن عَ كّحَ مَ، هَلِ نَ قَ قِندِ مَ قٍ شْرْشْي رَ مِشِ بّ.
7مِشِ تٌ مُ عَ كٌلٌن قٍ نَشٍيٍ قَمَ رَبَدٍ، ندٍ نْمَ نٍيٍ تَفِ رَبَدٍ عَ بّ؟
8مِشِ يٌ مُ نْمَ عَ حّنفِ يَمَرِدٍ، مِشِ يٌ مُ نْمَ عَ قَشَ لْشْي سُفَندِدٍ. مِشِ مُ نْمَ كٍلِدٍ فٍرٍ شُن مَ، تِنشِنتَرٍيَ مُ قٍ كٌبِ رَبَيٍ بّحِنمَ.
9ﭑ بَرَ يِ بِرِن رَكْرْ سِ دُنِحَ مَ. ﭑ نَشَ مِشِ تٌ عَ نَ عَ بٌورٍ يَمَرِقٍ، عَ قَ عَ يّتّ تْورْ نَ كُي.
10ﭑ نَشَ مِشِ حَاشِيٍ تٌ نَشٍيٍ رَفَتَمَ بِنيّ كُي، مِشِيٍ نُ نَشٍيٍ مَتْشْمَ هْرْ مْلِنفِرَ يِرٍ تَا كُي. قٍ قُقَقُ نَن نَ كِ.
11شَ قٍ كٌبِ رَبَيٍ مُ حَشَنكَتّ سْتْ عَ تّمُي، حَمَ قَن قَمَ نّ بِرَدٍ عٍ وَشْنقٍ حَاشِيٍ قْشْ رَ.
12ﭑ عَ كٌلٌن هَلِ قٍ كٌبِ رَبَيٍ فبِلٍن قٍ حَاشِ رَبَقٍ رَ هَن سَنمَيَ كّمّ، سْونّيَ تَن نَبَمَ نّ مِشِ بّ نَشَن فَاشُمَ عَلَ يَ رَ، نَشَن لُمَ عَ بَتُ رَ.
13كْنْ قٍ مُ سْونّيَمَ مِشِ حَاشِيٍ بّ نَشٍيٍ مُ فَاشُمَ عَلَ يَ رَ، عٍ شَ سِمَيَ شْن مُ كُيَمَ عَلْ مِشِ نِينِ.
14قٍ قُقَقُ فبّتّ نَ نَ يِ دُنِحَ مَ؛ قٍ شْرْشْي نَشَن لَن عَ شَ دْشْ مِشِ حَاشِ مَ، نَ نَن دْشْمَ تِنشِنتْي مَ. قٍ قَنيِ نَشَن لَن عَ شَ رَبَ تِنشِنتْي بّ، نَ نَن نَبَمَ مِشِ حَاشِ بّ. ﭑ شَ عَ قَلَ وٌ بّ، نَ قٍ مْولِ قِندِشِ قٍ قُقَقُ نَن نَ.
15نَ كُي عَ لَنمَ عَدَ مَ شَ سّيوَ عَ شَ دُنِحّءِفِرِ كُي. قٍ يٌ مُ نَ نَشَن قِسَ يِ بّ؛ مِشِ لَنمَ عٍ شَ عٍ دّفٍ، عٍ شَ عٍ مِن، عٍ شَ سّيوَ. نَ كِ عَ سّيوَ مَ نّ عَ شَ وَلِ رَ عَ شَ دُنِحّءِفِرِ كُي، عَلَ نَشَن قِشِ عَ مَ دُنِحَ بّندّ قُحِ قَرِ.
16ﭑ تٌ نَتّ تٌنفٌ ﭑ شَ قَهَامُي سْتْ عَدَ مَدِ شَ وَلِ شَ قٍ رَ، عَ نَشَن نَبَمَ كْي نُن يَنيِ،

Read كَوَندِلَ 8كَوَندِلَ 8
Compare كَوَندِلَ 8:3-16كَوَندِلَ 8:3-16