Text copied!
CopyCompare
תנ ך עברי מודרני - קֹהֶלֶת - קֹהֶלֶת 8

קֹהֶלֶת 8:3-16

Help us?
Click on verse(s) to share them!
3אל תבהל מפניו תלך אל תעמד בדבר רע כי כל אשר יחפץ יעשה׃
4באשר דבר מלך שלטון ומי יאמר לו מה תעשה׃
5שומר מצוה לא ידע דבר רע ועת ומשפט ידע לב חכם׃
6כי לכל חפץ יש עת ומשפט כי רעת האדם רבה עליו׃
7כי איננו ידע מה שיהיה כי כאשר יהיה מי יגיד לו׃
8אין אדם שליט ברוח לכלוא את הרוח ואין שלטון ביום המות ואין משלחת במלחמה ולא ימלט רשע את בעליו׃
9את כל זה ראיתי ונתון את לבי לכל מעשה אשר נעשה תחת השמש עת אשר שלט האדם באדם לרע לו׃
10ובכן ראיתי רשעים קברים ובאו וממקום קדוש יהלכו וישתכחו בעיר אשר כן עשו גם זה הבל׃
11אשר אין נעשה פתגם מעשה הרעה מהרה על כן מלא לב בני האדם בהם לעשות רע׃
12אשר חטא עשה רע מאת ומאריך לו כי גם יודע אני אשר יהיה טוב ליראי האלהים אשר ייראו מלפניו׃
13וטוב לא יהיה לרשע ולא יאריך ימים כצל אשר איננו ירא מלפני אלהים׃
14יש הבל אשר נעשה על הארץ אשר יש צדיקים אשר מגיע אלהם כמעשה הרשעים ויש רשעים שמגיע אלהם כמעשה הצדיקים אמרתי שגם זה הבל׃
15ושבחתי אני את השמחה אשר אין טוב לאדם תחת השמש כי אם לאכול ולשתות ולשמוח והוא ילונו בעמלו ימי חייו אשר נתן לו האלהים תחת השמש׃
16כאשר נתתי את לבי לדעת חכמה ולראות את הענין אשר נעשה על הארץ כי גם ביום ובלילה שנה בעיניו איננו ראה׃

Read קֹהֶלֶת 8קֹהֶלֶת 8
Compare קֹהֶלֶת 8:3-16קֹהֶלֶת 8:3-16