عِسِرَيِلَ مَنفّيٍ ١ 22:33-53

³³سْورِ رَفِسٍ شَ سْورِيٍ يَرٍرَتِيٍ نَشَ عَ كٌلٌن عِسِرَيِلَ مَنفّ شَ مُ عَ رَ، عٍ قَ فبِلٍن عَ قْشْ رَ.

³⁴نَ تّمُي سْورِ ندٍ نَشَ شَلِ وٌلِ نَ كِ تُن. تَنبّ نَشَ سَ عِسِرَيِلَ مَنفّ سْشْ عَ كَنكٍ مَكَنتَسٍ لٍنبٍيٍ تَفِ. مَنفّ نَشَ عَ قَلَ عَ شَ سْورِ رَفِسٍ رَفِمَ بّ، «فِسٍ مَقِندِ، عِ شَ ﭑ نَمِنِ فٍرٍ قَرِ مَ، بَرِ مَ ﭑ بَرَ مَشْنْ.»

³⁵فٍرٍ نَشَ شْرْشْ نَ لْشْي كِ قَنيِ رَ. مَنفّ نُ تِشِ عَ شَ سْورِ رَفِسٍ كُي، عَ يَ رَقِندِشِ عَرَ مِكَيٍ مَ. عَ نَشَ قَشَ نَ نُنمَرٍ رَ، عَ وُلِ فبٍفبٍ نُ نَ عَ شَ سْورِ رَفِسٍ كُي.

³⁶سٌفٍ فٌرٌ تّمُي، يَامَرِ نَشَ قِ، «بِرِن شَ فبِلٍن عٍ شْنيِ، بِرِن شَ سِفَ عٍ شَ بْشِ مَ.»

³⁷مَنفّ قَشَ نَ كِ نّ، عَ نَشَ رَفَتَ سَمَرِ تَا كُي.

³⁸عٍ تٌ مَنفّ شَ سْورِ رَفِسٍ كُي عِشَ سَمَرِ يٍ يِرٍ، بَرٍيٍ نَشَ عَكَبُ وُلِ مَكْن، لَنفٌي فِنّيٍ قَن نَشَ عٍ مَشَ نَا، عَلْ عَلَتَلَ عَ مَسٍن كِ نَشّ.

³⁹عَكَبُ شَ تَرُشُي دْنشْي، نُن عَ قٍ نَشَن بِرِن نَبَ، نُن عَ بَنشِ تِشِ كِ نَشّ سِلِ حِنيِيٍ رَ، نُن عَ تَا نَشٍيٍ تِ، نَ بِرِن سّبّشِ عِسِرَيِلَ مَنفّيٍ شَ تَرُشُي كُي.

⁴⁰عَكَبُ نَشَ رَفَتَ عَ بٍنبَيٍ قّ مَ. عَ شَ دِ عَشَسِيَ نَشَ قِندِ مَنفّ رَ عَ حْشْي رَ.

⁴¹عَسَ شَ دِ يٍهٌسَقَتِ قِندِ يُدَيَ مَنفّ رَ، عِسِرَيِلَ مَنفّ عَكَبُ شَ مَنفّيَ حّ نَانِ ندٍ نّ.

⁴²حّ تٌنفٌ سَشَن نُن سُولِ نُ نَ يٍهٌسَقَتِ بّ، عَ تٌ نُ قِندِ مَ مَنفّ رَ دَرِ سَلَمُ. عَ نفَ نُ نَ سِلِ شَ دِ عَسُبَ نَن نَ.

⁴³يٍهٌسَقَتِ نَشَ حّرّ عَ بَبَ عَسَ شَ كِرَ شْن مَ، عَ مُ عَ مَكُيَ عَلَتَلَ شَ كِرَ رَ.

⁴⁴كْنْ كُيٍ بَتُقٍ يِرٍ عِتٍشِيٍ مَ، نَ مُ دَن يُدَيَ بْشِ مَ. مِشِيٍ مُ تَفَن سّرّشّ بَقٍ رَ نَا، عَ نُن سُرَيِ فَنقٍ سّرّشّ رَ.

⁴⁵لَنيِ نُ نَ يٍهٌسَقَتِ نُن عِسِرَيِلَ مَنفّ تَفِ.

⁴⁶يٍهٌسَقَتِ شَ تَرُشُي دْنشْي، نُن عَ شَ فٍرٍ كِ قَنيِ، نَ سّبّشِ يُدَيَ مَنفّيٍ شَ تَرُشُي كُي.

⁴⁷عَ نَشَ تْنيِ دْشْ لَنفٌي شَ وَلِ مَ كُيٍ بَتُدٍيٍ، نَشٍيٍ نُ نَ كَبِ عَ بَبَ عَسَ وَشَتِ.

⁴⁸مَنفّ نُ نَ عٍدٌن، يُدَيَ مَنفّ فٌمِنَ ندٍ نَن تِ نَا.

⁴⁹يٍهٌسَقَتِ نَشَ كُنكُييٍ يَءِلَن تَرَ سِسِ، عَلَكٌ عٍ شَ سِفَ شّيمَ قٍندٍ عٌقِرِ، كْنْ كُنكُييٍ نَشَ كَنَ عٍسِيٌن فٍبٍرِ.

⁵⁰نَ كُي عَكَبُ شَ دِ عَشَسِيَ نَشَ عَ قَلَ يٍهٌسَقَتِ بّ، «ﭑ مَ مِشِيٍ نُن عِ عِ شَ مِشِيٍ بِرِن شَ سِفَ نَ وَلِ رَبَدٍ كُنكُييٍ كُي.» كْنْ يٍهٌسَقَتِ مُ تِن نَ قٍ رَ.

⁵¹يٍهٌسَقَتِ نَشَ بّلّ عَ بٍنبَيٍ قّ مَ، عَ رَفَتَ عَ بٍنبَ دَوُدَ شَ تَا كُي. عَ شَ دِ يٍهٌرَ مِ نَشَ تِ مَنفّ رَ عَ حْشْي رَ.

⁵²عَكَبُ شَ دِ عَشَسِيَ نَشَ قِندِ مَنفّ رَ سَمَرِ، عِسِرَيِلَ بْشِ شُن مَ، يُدَيَ مَنفّ يٍهٌسَقَتِ شَ مَنفّيَ حّ قُ نُن سٌلٌقٍرٍ ندٍ رَ. عَ بُ نّ مَنفّيَ كُي حّ قِرِن عِسِرَيِلَ شُن مَ.

⁵³عَ نَشَ قٍ رَبَ، نَشَن مُ رَقَن عَلَتَلَ مَ، عَ نَشَ عَ حّرّ عَ بَبَ نُن عَ نفَ شَ كِرَ شْن مَ. عَ نَشَ قٍ رَبَ عَلْ نٍبَتِ شَ دِ يٍرٌبٌوَ مِ، نَشَن عَ نِيَ عِسِرَيِلَ بِرِن شَ يُنُبِ رَبَ.