سُوكِ 2:6-17

⁶ﭑ شُنيِ نَ ﭑ شَنُنتٍنيِ بّلّشّ، عَ نَ ﭑ مَقُرُكُقٍ عَ يِرٍقَنيِ رَ.»

⁷«دَرِ سَلَمُ فِنّدِ مّيٍ، ﭑ بَرَ وٌ مَيَندِ، تْوكّ نُن شٍلِ شِلِ رَ نَشٍيٍ نَ وُلَ عِ، وٌ نَشَ شَنُنتٍيَ رَشُنُ، وٌ نَشَ عَ رَكٍلِ، بٍينُ عَ وَ مَ عَ شْن مَ تّمُي نَشّ.»

⁸«ﭑ شَنُنتٍنيِ شُي نَ عَ رَ، عَ نَ قَقٍ عَ فِ رَ فٍيَيٍ قَرِ.

⁹عَ فِمَ عَلْ تْوكّ، عَ تُفَنمَ عَلْ شٍلِ. عَ نَ بٍ وٌن مَ تّتّ شَنبِ رَ، عَ نَ بٍ مَتٌقٍ وُندّرِ رَ.

¹⁰عَ نَشَ عَ قَلَ ﭑ بّ، ‹ﭑ شَنُنتٍنيِ تٌقَنيِ، كٍلِ، عِ شَ قَ،

¹¹بَرِ مَ حّمّ تّمُي بَرَ دَنفِ، تُنّ مُ بِرَ مَ سْنْن.

¹²سَنسِ نَ بٌفِقٍ دَاشَ، حّلّشِن وَشَتِ بَرَ عَ لِ، شْنِيٍ نَ عٍ شُي رَ مِنِقٍ وٌن مَ بْشِ مَ.

¹³شْرّ بِلِ نَ بٌفِقٍ، وّنِ بِلِ نَ قُفَقٍ، عَ شِرِ قَن. ﭑ شَنُنتٍنيِ، كٍلِ، عِ شَ قَ.

¹⁴ﭑ مَ فِنّ، عِ نَشَ عِ نْشُن عَلْ فَنبّ عَ نْشُنمَ فّمّيٍ لٌنفٌرِ رَ كِ نَشّ. مِنِ، ﭑ وَ مَ عِ شُي حْشُنمّ مّقٍ، ﭑ وَ مَ عِ يَتَفِ تٌقَنيِ تٌقٍ.›»

¹⁵«وٌ شُلُمَسٍيٍ سُشُ، نَشٍيٍ وَ مَ مُشُ شَ وّنِ بِلِ قُفَشِيٍ كَنَقٍ.»

¹⁶«ﭑ شَنُنتٍنيِ قِندِشِ ﭑ فبٍ نَن نَ، ﭑ قَن قِندِشِ عَ فبٍ نَن نَ. عَ عَ شَ شُرُ سٍيٍ دّ مَدٌنمَ سَنسِ قُفَشِيٍ يَ مَ.

¹⁷ﭑ شَنُنتٍنيِ، بٍينُ كُيٍ شَ عِبَ، عِ شَ فبِلٍن، عِ شَ عِ فِ عَلْ تْوكّ، عِ شَ عِ فِ فٍيَيٍ قَرِ عَلْ شٍلِ.»