Tang Ko Pitang 2:6-17

⁶Ku gu teyay’ ko ba ni gil’ay i pa’, ma ba’ ni mat’aw i pa’ e ke longobiyeg.

⁷Mmicheged ngog, gimed e ppin nu Jerusalem, mmicheged u daken e deer nib machreg nge gazelle ni dab mmagawon niged e adag romow.

⁸Kug rung’ag laman e en ni gamareg. Nike yib ni be mil u daken e pi burey, ni kemus macharngin ni be th’ab e pi ted i yib ngog.

⁹Adag rog e bod e gazelle, fa deer ni kabbitir. Ba’aram nib sak’iy u charen e rungrung. Ni be changar u winda nga naun me damit u thilin e sagel.

¹⁰Gamareg mu non ngog. Fare Mo’on Adag rog, ere moy; mu’un ngog to’.

¹¹Ke m’ay ngil’an e garbeb; ma ke tal e nuw’;

¹²ma go’ ke puf e flores u ba’nem e binaw. Iraray ngil’an e tang; tang ko dove e ka ni rung’ag u lan e yungi flang.

¹³Ke tabab e maloel ko fig; ma mak’uf ko grape e ke fal’eg bon e nifeng. Adag rog, ere moy; mu’un ngog to’.

¹⁴Ga bod ba dove ni be mith u thilin e war. Mu pageg nguguy fel’ngin owchem mu gu rung’ag lingum ni rib simunguy.

¹⁵Mu kol e pi fox, nochi fox ni pa’chichig, u m’on ni ngar gathayed e woldug rodow ni grape nike k’uf.

¹⁶Adag rog e ba milfan ngog, ma bmilfag ngak. Ma durwi’iy e gamanman rok u fithik’ e floras ni giyab,

¹⁷nge taw ko ngiyal’ nike yib nifngen e kadbul ma ke chuw e lumor. Mu sul to’, ni bod ba gazelle, ma bod rogon ba fak e deer u daken e burey nu Bether.