رْ مَ 16:8-27

⁸وٌ شَ عَنثِلِيَتُ شّيبُ ﭑ بّ، ﭑ شَنُنتٍنيِ مَرِفِ قْشْ رَ.

⁹وٌ شَ مُشُ وَلِبٌورٍ عُرُبَنٌ نُن ﭑ شَنُنتٍنيِ سِتَشُسِ شّيبُ.

¹⁰وٌ شَ عَثّلّسِ شّيبُ، نَشَن بَرَ عَ شَ دَنشَنِيَ مَسٍن عَلَ شَ مِشِ سُفَندِشِ مَ. وٌ شَ عَرِ سِتٌبُلٌ شَ مِشِيٍ شّيبُ ﭑ بّ.

¹¹وٌ شَ ﭑ بٌورٍ يُوِقِ هٍرٌدِيٌن شّيبُ ﭑ بّ. وٌ شَ نَرِ سِسٌ شَ مِشِيٍ شّيبُ ﭑ بّ، نَشٍيٍ دَنشَنِيَشِ مَرِفِ مَ.

¹²وٌ شَ تِرِقٍنَ نُن تِرِقٌسَ شّيبُ ﭑ بّ. فِنّيٍ نَشٍيٍ عٍ رَ، عٍ وَلِمَ مَرِفِ بّ. وٌ شَ ﭑ شَنُنتٍنيِ ثٍرٍ سِدِ شّيبُ. عَ قَن بَرَ وَلِ مَرِفِ بّ كِ قَنيِ.

¹³وٌ رُقُ شّيبُ، نَشَن سُفَندِشِ مَرِفِ شَ قٍ كُي. وٌ عَ نفَ قَن شّيبُ ﭑ بّ، نَشَن بَرَ لُ ﭑ بّ عَلْ ﭑ قَن نفَ.

¹⁴وٌ شَ عَسِنكِرِتٌ، قٍلٍفٌن، هٍرٍ مّسِ، ثَتِرٌبَ، نُن هٍرٍ مَسِ شّيبُ ﭑ بّ، عَ نُن نفَشَكٍرٍنيِيٍ بِرِن نَشٍيٍ نَ عٍ شْنيِ.

¹⁵وٌ شَ قِلٌلٌفٌ، يُلِ، نٍرٍوُ نُن عَ مَافِنّ شّيبُ، عَ نُن عٌلِمِثَ نُن سّنِيّنتْي بِرِن نَشٍيٍ نَ عٍ شْنيِ.

¹⁶وٌ شَ وٌ بٌرٍ شّيبُ سُنبُي سّنِيّنشِ رَ. عَلَ شَ مِشِ سُفَندِشِ شَ دَنشَنِيَتْي حَمَيٍ بِرِن وٌ شّيبُ.

¹⁷ﭑ نفَشَكٍرٍنيِيٍ، ﭑ شَ وٌ رَ سِ، وٌ شَ وٌ يّتّ رَتَنفَ مِشِيٍ مَ، نَشٍيٍ لَنيِ كَنَمَ وٌ تَفِ، عٍ نُ قَ مِشِ رَتَنتَن شَرَنيِ مَ وٌ بَرَ نَشَن سْتْ. وٌ شَ وٌ مَكُيَ عٍ رَ.

¹⁸نَ مِشِ مْولِيٍ مُ وَلِمَ وٌن مَرِفِ عَلَ شَ مِشِ سُفَندِشِ شَ بّ. عٍ بِرَ مَ عٍ يّتّ قُرِ نَن قْشْ رَ، عٍ نُ قَ لْننِتَرٍيٍ مَدَشُ وْيّن حْشُنمّيٍ نُن مَتْشْي رَ.

¹⁹مِشِ بِرِن عَ كٌلٌن عَ وٌ عَلَ شُي رَبَتُمَ. ﭑ حّلّشِنشِ وٌ رَ، كْنْ عَ شْلِ ﭑ مَ وٌ شَ قَهَامُي سْتْ قٍ قَنيِ مَ، وٌ نَشَ وٌ مَنْشْ قٍ كٌبِ رَ.

²⁰عَلَ، عَ تَن نَشَن بْحّسَ قِمَ، عَ فبٍ مُ لُشِ عَ شَ سٍنتَنّ عِبُتُشُن وٌ سَنيِ بُن. وٌن مَرِفِ عِسَ شَ هِننّ وٌ رَ.

²¹ﭑ وَلِبٌورٍ تِمٌتٍ وٌ شّيبُ، عَ نُن لُسُسِ، يَسٌن، نُن سٌسِثَتٍرِ، ﭑ بٌورٍ يُوِقِيٍ.

²²ﭑ تَن تٍرِتِيٌ نَشَن بَرَ يِ بَتَاشّ سّبّ، ﭑ قَن بَرَ وٌ شّيبُ مَرِفِ شِلِ رَ.

^23‏فَيُ قَن وٌ شّيبُ، نَشَن قِندِشِ ﭑ تَن نُن دَنشَنِيَتْي حَمَ بِرِن يَتِفِ رَ. عٍرَ سِتٌ، نَشَن قِندِشِ تَا نَاقُلِ رَفَتَمَ رَ، عَ قَن وٌ شّيبُ، عَ نُن وٌن نفَشَكٍرٍنيِ كَرَتُسِ.

²⁵مَتْشْي نَ عَلَ بّ، نَشَن نْمَ وٌ سّنبّ سٌدٍ دَنشَنِيَ كُي، عَلْ ﭑ مَرِفِ عِسَ شَ شِبَارُ قَنيِ نَشَن كَوَندِ مَ عَ مَسٍنشِ كِ نَشّ. نَ شِبَارُ قَنيِ فُندٌ قٍ نَن مَسٍنمَ نَشَن نُ رَفَتَشِ كَبِ تّمُي شْننَكُيٍ،

²⁶كْنْ نَشَن بَرَ قَ مَكّنّن عَلَكٌ سِ بِرِن شَ عَ كٌلٌن نَمِحْنمّيٍ شَ سّبّلِيٍ سَابُي رَ، عَلَ نَشٍيٍ يَمَرِشِ. نَ كُي، بِرِن شَ دَنشَنِيَ عَلَ مَ، عَلَ نَشَن نَ نَ، عٍ عَ شُي رَبَتُ.

²⁷عَلَ، عَ تَن كٍرٍن نَشَن قٍ بِرِن كٌلٌن، مَتْشْي نَ عَ بّ عَ شَ مِشِ سُفَندِشِ عِسَ سَابُي رَ عَبَدَن. عَمِنَ!