Rom 16:8-27

⁸Boeipa ah ka thintlo Ampliatu te toidal uh.

⁹Khrih ah kaimih bibipuei Urban neh kai kah thintlo Satakhi te toidal uh.

¹⁰Khrih ah ka uep ka pang Apelle te toidal uh. Aristobulus imkhui kah rhoek te toidal uh.

¹¹Ka hui Herodion te toidal uh. Narkittu imkhui kah Boeipa neh aka om rhoek te toidal uh.

¹²Boeipa ah aka thakthae Thruphaena neh Truphosa te toidal uh. Thintlo Perti te toidal uh. Anih tah Boeipa dongah muep thakthae.

¹³Boeipa ah a coelh Rhopho neh, anih neh kai manu te toidal uh.

¹⁴Ashonkrit, Phlekon, Hermes, Patrobas, Hermas neh amih taengkah manuca rhoek te toidal uh.

¹⁵Philolokas neh Julia, Nereus neh a ngannu, Olampas neh amih taengkah hlangcim boeih te toidal uh.

¹⁶Khat neh khat a cim moknah neh toidal uh thae. Khrih kah hlangboel boeih loh nangmih n'toidal.

¹⁷Te dongah manuca rhoek nangmih te kan hloep, thangkui neh paekboenah aka saii rhoek te paelki uh. Te thuituennah na cang uh tangtae aka saii thil te a taeng lamloh rhael uh.

¹⁸Te bang long te mamih Boeipa Khrih ham pawt tih a bungpuei kah sal ni a bi uh. Te dongah olding, yoethennah neh ommongsitoe kah thinko te a hoilae uh.

¹⁹Nangmih kah olngainah tah hlang boeih taengah thang tih nangmih soah ka omngaih. Tedae nangmih then sak ham aka cueih la, a thae ham nen tah caepakyik la om sak ka ngaih.

²⁰Ngaimongnah Pathen loh Satan te nangmih kah kho hmuiah thamaa la a neet ni. Mamih Boeipa Jesuh kah lungvatnah tah nangmih taengah om saeh.

²¹Kai kah bibipuei Timothy neh ka hui Lukia, Jason, Sosipater loh nangmih te n'toidal ne.

²²He capat aka daek kai neh Teratias loh Boeipa ah nangmih te kan toidal.

²³Nangmih te ka imluei Gaius neh hlangboel boeih loh n'toidal. Nangmih te Khopuei kah hnokhoem Erastu neh manuca Kuatu loh n'toidal.

²⁴Kai kah olthangthen neh Khrih Jesuh kah olhoe bangla duel ham na noeng uh coeng. (Mamih Boeipa Jesuh kah lungvatnah tah nangmih taengah om saeh.)

²⁵Olhuep kah pumphoenah bangla khosuen tue ah kam ana khuem.

²⁶Tedae Pathen kah dungyan olpaek bangla tonghma olcim dongah phoe coeng. Te dongah namtom boeih ham tangnah dongkah olngainah te a phoe sak.

²⁷Pathen bueng he a cueih dongah amah te Jesuh Khrih lamloh kumhal ah thangpomnah om saeh, Amen.