رْ مَ 14:1-14

¹وٌ شَ دَنشَنِيَتْي رَ سّنّ هَلِ عَ شَ دَنشَنِيَ مُ تِلِن. وٌ نَشَ عَ رَكِيتِ عَ شَ مَحْشُنيِ بِرِن شَ قٍ رَ.

²مِشِ ندٍ نْمَ لَدٍ عَ رَ، عَ دٌنسٍ بِرِن رَدَشَشِ عَ بّ، كْنْ مِشِ فبّتّ نَشَن شَ دَنشَنِيَ مُ تِلِن، عَ نْمَ لَدٍ عَ رَ عَ سَنسِ بٌفِ فبَنسَن نَن نَدَشَشِ عَ بّ.

³مِشِ نَشَن دٌنسٍ مْولِ بِرِن دٌنمَ، نَ مُ لَن عَ شَ عَ بٌورٍ رَحَاشُ نَشَن تٌندِ مَ دٌنسٍ ندٍ دٌنقٍ رَ. مِشِ نَشَن مُ سُبٍ دٌنمَ، نَ كَنيِ قَن مُ لَن عَ شَ عَ بٌورٍ مَكِيتِ نَشَن سُبٍ دٌنمَ، بَرِ مَ عَلَ نَ كَنيِ قَن نَسّنّمَ نّ.

⁴ندٍ عِ قِندِشِ كِيتِسَ رَ مِشِ فبّتّ شَ كٌنيِ شُن مَ؟ عَ نَ تِ عَ مَرِفِ يَ عِ عَ شَ وَلِ شَ قٍ رَ، عَ شَن بَ، عَ مُ شَن بَ، نَ نَ عَ تَن نُن عَ مَرِفِ نَن تَفِ. عَنُن، عَ شَنمَ نّ، بَرِ مَ مَرِفِ عَلَ نْمَ عَ رَشَندٍ.

⁵مِشِ ندٍ نْمَ لَدٍ عَ رَ عَ لْشْييٍ تِدٍ فبٌ عٍ بٌورٍ بّ، كْنْ مِشِ فبّتّ تَن بّ، لْشْي بِرِن لَن. كَنكَن لَشِ نَشَن نَ، عَ شَ لَ عَ رَ عَ بْحّ نَن يَتِ مَ.

⁶نَشَن لَشِ عَ رَ عَ لْشْييٍ تِدٍ فبٌ عٍ بٌورٍ بّ، نَ كَنيِ لَشِ عَ رَ مَرِفِ نَن بّ. نَشَن دٌنسٍ مْولِ بِرِن دٌنمَ، عَ كَنيِ عَ رَبَمَ مَرِفِ نَن بّ، بَرِ مَ عَ تَنتُي رَ سِفَمَ عَلَ مَ عَ شَ بَلٌي شَ قٍ رَ. مِشِ نَشَن مُ دٌنسٍ ندٍ دٌنمَ، نَ كَنيِ قَن نَ رَبَمَ مَرِفِ نَن بّ، بَرِ مَ عَ قَن تَنتُي رَ سِفَمَ عَلَ مَ.

⁷مِشِ يٌ فبٍ مُ عَ يّتّ رَ، كٍلِ يِ دُنِحَ، هَن لَاشِرَ.

⁸شَ وٌن بَلٌ، شَ وٌن قَشَ، نَ بِرِن نَبَمَ مَرِفِ نَن بّ. شَ وٌن بَلٌشِ، شَ وٌن قَشَشِ، وٌن قِندِشِ مَرِفِ فبٍ نَن نَ،

⁹بَرِ مَ عَلَ شَ مِشِ سُفَندِشِ قَشَ نّ، عَ مَن كٍلِ قَشّ مَ، عَلَكٌ عَ شَ قِندِ مِشِ قَشَشِيٍ نُن عَ بَلٌشِيٍ مَرِفِ رَ.

¹⁰مُنقٍ رَ عِ تَن قَ عِ بٌورٍ مَكِيتِمَ؟ مُنقٍ رَ عِ عَ رَحَاشُمَ؟ وٌن بِرِن مُ قَمَ تِدٍ شّ عَلَ يَ عِ كِيتِ لْشْي؟

¹¹عَ سّبّشِ كِتَابُي كُي، مَرِفِ نَشّ، «ﭑ شَ نْندِ مَسٍن وٌ بّ. بِرِن قَمَ نّ عٍ شِنبِ سِندٍ ﭑ بّ. عَدَ مَدِ دّ بِرِن قَمَ عَ مَسٍندٍ، عَ ﭑ تَن نَن نَ عَلَ رَ.»

¹²كَنكَن قَمَ نّ عَ شَ وَلِ دّنتّفّدٍ عَلَ بّ.

¹³نَ كُي، وٌن نَشَ وٌن بٌرٍ مَكِيتِ. وٌن شَ قٍ بِرِن نَن نَبَ عَلَكٌ وٌن نَشَ وٌن نفَشَكٍرٍنيِ رَتَنتَن.

¹⁴ﭑ تٌ دَنشَنِيَشِ مَرِفِ عِسَ مَ، ﭑ عَ كٌلٌن، ﭑ مَن لَشِ عَ رَ، عَ دٌنسٍ يٌ مُ نَ نَشَن قِندِشِ دٌنسٍ سّنِيّنتَرٍ رَ. كْنْ شَ عِ شَشِلِ بَرَ سِيكّ دٌنسٍ ندٍ شَ سّنِيّنتَرٍحَ مَ، نَ بَرَ قِندِ عِ بّ سٍ سّنِيّنتَرٍ رَ.