4עת לבכות ועת לשחוק עת ספוד ועת רקוד׃
5עת להשליך אבנים ועת כנוס אבנים עת לחבוק ועת לרחק מחבק׃
6עת לבקש ועת לאבד עת לשמור ועת להשליך׃
7עת לקרוע ועת לתפור עת לחשות ועת לדבר׃
8עת לאהב ועת לשנא עת מלחמה ועת שלום׃
9מה יתרון העושה באשר הוא עמל׃
10ראיתי את הענין אשר נתן אלהים לבני האדם לענות בו׃
11את הכל עשה יפה בעתו גם את העלם נתן בלבם מבלי אשר לא ימצא האדם את המעשה אשר עשה האלהים מראש ועד סוף׃
12ידעתי כי אין טוב בם כי אם לשמוח ולעשות טוב בחייו׃
קֹהֶלֶת 3
קֹהֶלֶת 3:4-12