ECLESIASTÉS 3:4-12

⁴Onca tonali para tichocas huan onca tonali para tihuetzcas. Onca tonali para timocuesos huan onca tonali para timijtotis.

⁵Onca tonali para tiquinsemanas teme huan onca tonali para tiquinsentilis. Onca tonali para tijcuanajnahuas se masehuali huan onca tonali para amo tijchihuas.

⁶Onca tonali para tijtemos huan tijpantis tamanti huan onca tonali para tijpolos. Onca tonali para titaajocuis huan onca tonali para tijtepehuas cati ticajoctoc.

⁷Onca tonali para tijtzayanas se tenijqui huan onca tonali para tiquijtzomas cati tzayantoc. Onca tonali para timocamatzacuas huan onca tonali para ticamanaltis.

⁸Onca tonali para titeicnelis huan onca tonali para titecualancaitas. Onca tonali para tatehuilisti huan onca tonali para tasehuilisti.

⁹Huajca ¿taya quitani se tacat ten nochi itequi cati ohui cati ica mosiyahuiltía?

¹⁰Na nimoilhuijtoc miyac ten nochi nopa miyac tamanti tequit cati Toteco quinmacatoc masehualme para ipan ma motequihuica. Huan ya ni cati niquita.

¹¹Toteco quichijtoc para sesen tamanti ma eli cuali huan ma mochihua ipan nopa tonali cati quinamiqui. Nojquiya quitalijtoc ipan iyolo sesen masehuali para ma quimati para amo quema miquis. Nojquiya quimati para nopa tamanti cati nelía ipati ipan ni taltipacti huejcahuas para nochipa. Pero yon se masehuali amo yajati quimachilía nochi italnamiquilis huan itequi Toteco cati yaya quichijtihualajtoc ten ipejya huan nochi cati quichijtiyas hasta itamiya.

¹²Huajca amo onca seyoc tamanti cati achi cuali para masehualme. San monequi paquise huan quichihuase cati cuali quema noja yoltoque.