6Таму абдумана вядзі вайну тваю, і посьпех будзе пры мностве радцаў.
7Неразумнаму мудрасьць занадта высокая; каля брамы не разамкне ён вуснаў сваіх.
8Хто намышляе зрабіць зло, таго называюць зламысьнікам.
9Намысел неразумнага - грэх, і блюзьнер - мярзота людзям.
10Калі ты ў дзень бедства зьнясіліўся, дык бедная сіла твая.
11Ратуй узятых на сьмерць, і няўжо ты адмовішся ад асуджаных на ўбой?
12Ці скажаш: «вось, мы ня ведалі гэтага?» А Выпрабавальнік сэрцаў хіба ня ведае? Назіральнік за душою тваёю ведае гэта і дасьць чалавеку паводле ўчынкаў ягоных.