Än Salomon Köl 5:8-13

⁸Üa tüngor ngenikemi, ämi föpwülün Jerusalem, are oua küna ätewe mi wor tongan me rei, oupwe üreni pwe üa riaföü ren ai tongei.

⁹En mi liöch seni fefin meinisin, ren met ätewe mi wor tongan me reöm a aüchea seni ekewe lusun mwän? Ren met ätewe mi wor tongan me reöm a aüchea seni ekewe lusun mwän, pwe a iei usun om tüngor ngenikem?

¹⁰Ätewe mi wor tongan me rei a unusen äteöch o mesemesöch, a sil me lein engol ngeröü aramas.

¹¹Möküran a usun chök kolt mi mürina, nge meten möküran ra rürü o chol usun ülen eman ängä.

¹²Föün mesan ra mürina usun chök lisom mi nom ünükün chanpupu o tütü lon milik, ra masolong lon lenier usun fau aüchea.

¹³Sapan ra wewe ngeni lenien irän nofitin mongö mi fokun pwokus. Tinawan a usun kiop ra sup ren säfei mi aüchea itan mör.