Zon 4:2-8

²(Zizas mina no bin baptaiz nobodi de, bat mata dem klostuman blo em i bin baptaiz ol pipol.)

³Den Zizas i bin libe Zudia ane em bin gobaigen po da eria blo Galali.

⁴Wen Zizas i bin go po Galali, em mas pas tru dat eria blo Samaria.

⁵Zizas i bin kam po wan Samaria biliz wea i kolem Saika. Diswan i klostu da eria blo da lan wea bigate Zekop i bin gibem po Zosep, dat boi blo em.

⁶De wea da eria blo dat lan i bin gad wan wel, ol kolem Zekop Wel. Bikoz Zizas i bin prapa slaik prom mata wagbaut, em bin sidaun de klostu wea da wel. Diswan i bin baut midel dei.

⁷Wan Samariaoman i bin kam nau po teke wata. Zizas i bin spik po em, ‘Yagar, yu ken gibe mi wata a, po dringk?’

⁸Em bin de emselp bikoz dem klostuman blo em i bin go insaid biliz po baie kaikai.