Jon 4:2-8

²Tekentu lo le, Iesu biil i baptais fanu, berberat na fafausum kia sau ri baptais fanu.

³Aunbiing Kumguui ka usum le foron Farasi ri ka ongen ta u le, fanu tikii aimang nami, ka kang tina Iudaia ma ka fis sabin una Galili.

⁴Ma sal i mi lo, i la na fatpoton falifuh na Samaria.

⁵Ke ka tapiek na nenge maleh na Samaria ri foteng u ini Sikar, fatat isi sun nanal ae Jekop i ta ta u sing ke kalalik Iosep.

⁶Ke aiwa e toh na dan ae Jekop i kef ta u, ma Iesu ka mut e fo na dolon ninla, pesu ka kiis na baban toh na dan ae. Ma aunbiing ae, i fasih aragii sangful ini u e aunbiing na siat.

⁷Aunbiing nenge fifin tina Samaria i la isi utfe dan, ke Iesu ka diik u aragii, “Ifasih on faumin iau ini ti dan?”

⁸Foron berberat na fafausum kia ri ka la tah una maleh ae, isi fiil inen.