Yohanis 20:13-18

¹³Hotu, sia nusu Maria naꞌak, “Tan saa o tanis?” Maria nataa naꞌak, “Ema foti nodi tiꞌan haꞌukaan Ulun maten. La katene sia rai iha nabee.”

¹⁴Dale notu nunia, Maria fila baa kotuk, naree ema ida nariik iha nia. Nia la natene naꞌak, Ema nia, mak Yesus.

¹⁵Hotu Yesus nusu Maria naꞌak, “O tanis baa saa? O buka see?” Maria naꞌak falik ema nia, makdaka toꞌos iha nia. Hotu, nia namaus naꞌak, “Ama. Kalo Ama mak foti nola maten nia, hotu baa rai iha nabee, katak haꞌu lai. Nebee haꞌu kodi baa kakoi diꞌa-diꞌak iha fatin seluk. Ama, tulun haꞌu lai!”

¹⁶Maria dale nunia, Yesus moos bolu nia nodi temi naꞌak, “Maria.” Rona nola nunia, Maria fila baa Yesus, hotu katak nodi lia Aram naꞌak, “Raboni!” (Lia isin naꞌak, “Haꞌukaan manorik!”)

¹⁷Hotu Yesus katak baa nia naꞌak, “Keta koko Haꞌu lai, tan Haꞌu ksei la saꞌe dauk baa Haꞌukaan Ama iha laleꞌan. Baa katak baa Haꞌukaan mamaluk sia maꞌak, ‘Haꞌu atu ksaꞌe baa Haꞌukaan Ama. Nia moos, emikaan Ama. Nia, mak Haꞌukaan Maromak. Nia moos, emikaan Maromak.’ ”

¹⁸Hotu, Maria baa katak Yesus Niakaan maktuir sia naꞌak, “Haꞌu kasoru kola tiꞌan itakaan Ulun Yesus!” Maria moos nasara Yesus mamenon baa sia.