ᤕᤢᤜᤢᤴᤏᤠ 20:13-18

¹³ᤂᤧᤴ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤢᤏᤧ᤹ ᤛᤣ᤺ᤴᤍᤥ᤺ᤛᤧᤳᤇᤢ. “ᤂᤧᤏᤧ᤹ ᤌᤣᤀᤠᤱ ᤁᤧᤜᤠ᤺ᤵᤐᤠᤒᤣ᥅” ᤂᤧᤸᤗᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤀᤠᤍᤠᤱᤒᤠᤸᤗᤧ ᤁᤢᤎᤰᤁᤡᤴ ᤁᤵᤔᤥᤗᤠᤶ ᤂᤧᤱᤜᤠ᤹ᤖᤧ ᤔᤧᤍᤣ᤹ᤖᤢᤖᤥ ᤜᤧᤰᤁᤩᤠᤱ ᤀᤠᤳᤋᤠᤴ ᤔᤧᤏᤧᤛ᤻ᤛᤢᤀᤠᤱ ᤏᤧᤀᤡ ᤀᤡᤱᤃᤠ᤹ ᤔᤧᤏᤡᤀᤠᤴᤗᤥ॥”

¹⁴ᤜᤧᤰᤁᤣ ᤐᤠ᤺ᤳᤋᤢᤖ ᤔᤖᤡᤕᤶᤔᤡᤴ ᤂᤡᤖᤡ ᤜᤡᤛᤡᤱᤅᤡᤸᤗᤧ ᤕᤧᤛᤢ᤺ᤴ ᤂᤧᤵᤔᤥ ᤕᤧᤒᤧᤒᤠ ᤏᤡ᤺ᤛᤢ. ᤁᤖ ᤂᤢᤏᤧ᤹ ᤕᤧᤛᤢ᤺ᤴᤏᤣᤖᤥ ᤑᤠ᤹ᤀᤠᤱ ᤁᤢᤛᤡᤱ ᤏᤡ᤺ᤵᤔᤠ ᤔᤧᤛᤢᤰᤋᤢᤴᤗᤥ॥

¹⁵ᤕᤧᤛᤢᤖᤧ ᤂᤧᤴ ᤔᤧᤳᤋᤢ. “ᤔᤠᤔᤢᤀᤣ. ᤂᤧᤏᤧ᤹ ᤌᤣᤀᤠᤱ ᤁᤧᤜᤠ᤺ᤵᤐᤠᤒᤣ᥅ ᤜᤠ᤺ᤳ ᤁᤧᤃᤥ᤺ᤳᤋᤢᤒᤠᤒᤣ᥅” ᤔᤖᤡᤕᤔᤖᤧ ᤂᤢᤏᤧ᤹ᤃ ᤑᤢᤱᤀᤡᤰ ᤁᤧᤃᤥ᤺ᤒᤠᤒᤡᤗᤠ ᤗ᤹ᤖᤡᤰ ᤏᤡᤱᤘᤠ᤹ ᤀᤡ᤺ᤳᤋᤢᤀᤠᤱ ᤔᤧᤳᤋᤢ. “ᤀᤠᤍᤠᤱᤒᤣ. ᤍᤠᤱᤒᤠᤸᤗᤧ ᤁᤢᤎᤰᤁᤡᤴ ᤁᤵᤔᤥᤗᤠᤶ ᤁᤧᤍᤣ᤹ᤖᤢᤀᤠᤱ ᤘᤠ᤹ᤏᤧ ᤑᤠ᤹ᤃᤪ ᤀᤠᤳᤋᤠᤴ ᤁᤧᤏᤧᤛ᤻ᤛᤢᤀᤠᤱ ᤏᤧ᤹᤺ ᤀᤡᤱᤃᤠ᤹ ᤔᤧᤳᤋᤠᤱᤅᤧ᤹ᤏᤠ. ᤜᤧᤰᤁᤩᤠᤱ ᤁᤢᤎᤰᤁᤡᤴ ᤀᤡᤱᤃᤠ᤹ ᤋᤣ᤹ᤖᤢᤱᤗᤥ॥”

¹⁶ᤕᤧᤛᤢᤖᤧ ᤂᤧᤴ ᤔᤧᤳᤋᤢ. “ᤔᤖᤡᤕᤶᤔᤣ᥄” ᤂᤢᤏᤧ᤹ ᤕᤧᤛᤢ᤺ᤴ ᤗᤧᤵᤔᤠᤱ ᤜᤡᤛᤡᤱᤅᤠᤱ “ᤖᤒ᤻ᤒᤥᤏᤡ᥄” ᤔᤧᤳᤋᤢᤖᤥ॥ (ᤂᤧᤴ ᤑᤠ᤹ᤀᤡᤱᤃ ᤜᤡᤒᤪᤢ ᤐᤠ᤺ᤴᤏᤥ “ᤛᤡᤰᤛᤠᤶᤒᤣ” ᤐᤥ᤺ᤱᤗᤥ॥)

¹⁷ᤕᤧᤛᤢᤖᤧ ᤂᤧᤴ ᤔᤧᤳᤋᤢ “ᤀᤡᤱᤃᤠ᤹ ᤔᤧᤍᤧᤶᤛᤠᤱᤅᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤀᤠᤸᤗᤥ ᤌᤠᤖᤡᤰ ᤀᤡᤱᤃᤠ᤹ ᤐᤠᤏᤢᤍᤡᤱ ᤐᤠ᤺ᤸᤗᤥ ᤔᤧᤶᤒᤣ᤺ᤰᤁᤣ ᤘᤠ᤹ᤀᤠᤖᤥ॥ ᤁᤖ ᤐᤣᤃᤧ᤹ᤀᤠᤱ ᤀᤠᤴᤛᤠ᤹ᤛᤡ ᤀᤰᤂᤣ ᤔᤧᤳᤋᤧᤛᤧ᤹ᤀᤥ. ‘ᤀᤡᤱᤃᤠ᤹ ᤐᤠᤏᤢᤍᤡᤱ ᤀᤠᤶᤒᤠ ᤏᤢ ᤂᤡᤏᤡ᤹ ᤐᤠᤏᤢᤍᤡᤱ ᤐᤠ᤺ ᤜᤧᤰᤁᤩᤠᤱ ᤀᤡᤱᤃᤠ᤹ ᤀᤠᤏᤡᤱᤘᤠ᤹ᤑᤢᤔᤠᤱ ᤏᤢ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤥ ᤏᤢ᤺ᤱᤅᤠ ᤐᤣ᤺ᤰᤁᤠᤖ ᤐᤳᤋᤠᤖᤥ॥’”

¹⁸ᤔᤖᤡᤕᤔ ᤔᤃ᤻ᤍᤗᤡᤏᤡ᤺ᤴ ᤐᤣᤀᤠᤱ ᤜᤢ᤹ᤛᤠᤶᤒᤠᤜᤠ᤹. “ᤀᤡᤱᤃᤠ᤹ ᤍᤠᤱᤒᤠᤴ ᤏᤡ᤺ᤛᤢᤱᤅᤠᤱ ᤘᤠ᤹ᤖᤥ” ᤔᤧᤳᤋᤢᤛᤡᤀᤠᤱ ᤕᤧᤛᤢᤖᤧ ᤐᤠ᤺ᤳᤋᤢᤒᤠ ᤐᤠ᤺ᤴᤜᤠ᤹ ᤂᤧᤱᤜᤠ᤹ ᤆᤧᤰᤋᤢᤛᤡᤖᤥ॥