Yohana 9:9-14

⁹Abanu da, à su uwa yo. U abanu da da à su unuma mu à zzu ugo ni barr wa. Ugo ni barr wa à kri karrkarr mi di, “À si ingga yo.”

¹⁰Aba zhi ma di, “Unggonggo du ùwà wre, à sa angginggi la?”

¹¹A ddu ba di, “Ugo wa nggo à yo ma di Yesu, uwa yo hu imimi re ki ingga na ashishi na da ki ingga di kuma ku ngla ashishi ka ni indinda amasirr i Silowa. Mre ingga ku ngla ni hi abubo.”

¹²Aba zhi ma di, “Uwa se momonggo ziza?” Uwa ddu ba di, “Ingga si ka hi hen.”

¹³Aba a gri ugo wa nggo a di su unakreshishi na kuma na anu Farrisi ba.

¹⁴Azhibarr nggo Yesu à hu imimi zharr ku ugo wa na ashishi ka na du ma wre si na Azhibarr a Isu Anu Yahuda ba.