Juan 9:9-14

⁹Wanra nin raruma, “O', sya in taw.” Wanra bale' nin raruma, “Kai, kabakas naya tamo'.” Konan siin, wana nin lalaki, “O', si'ko pan diri.”

¹⁰Ket, “Pa'no nin nangyadi' a maka'kit kayna?” wanra.

¹¹Wana nin ni'bat, “Sitaw si tawo nin mantawagen nin Jesus, nangwa' ya nin tupa', mi'sa na nin nipulapod sa mata ko, tan wana kongko, ‘Mako ka sa Siloe tan magra'mos kadtaw.’ Nako ako anaod tan nagra'mos ako, ket sin nayadi', maka'kit akoyna.”

¹²Konan siin, nitepet ra, “Adti yayna, ey?” Ket inumbat ya, “Ta'wan.”

¹³Ket, ni'ras rayayti si tawo a gindat nin bulag konran Pariseo.

¹⁴Wanin, ta Awron Painawa sin nangwa' ya nin tupa' si Jesus tan sin ginwa' na nin maka'kit yaynay bulag.