Yoane 15:23-27

²³Lelaga, akila p̃arm̃arera pa Ntewa rui, vanon nap̃a apieluen inu, ana naga sa nap̃a apieluen m̃ena Ata.

²⁴Visae ve kiau kile re la nap̃a apisu nekila, nap̃a pe yar re si tai nap̃a kilia kila, pona Ntewa yoko ve visa re sape naviowaena sike e la. Ana pere, apisu pa rui, ana pe amlelaga re ga poli, ap̃aryon nakilaen navielueena pan imimi lua Ata.

²⁵Sur nene mesmesun ga visena tai nap̃a Ntewa mligan teke e Nasiriena Wa, nap̃a sape ‘Sinela kar nu pap̃isi, ana peraga, pe panon re kiau naviowaena tai poli.’

²⁶“Ana nevisa van amiu, sane yoko neligan Ninuna na iilaena vetan Ata mava vitom m̃alivin amiu, nap̃a pe Ninuna nap̃a molue e malena kiena ne Ntewa, nap̃a pe Ninuna na visawalen nalelagaena. Naga vitom visawal inu re laa van amiu sane,

²⁷ana siraunia, amiu m̃ena monar avisawal manene inu va laa sane van yar tap̃ena lala. Na nene komin nap̃a amiu la nene asu lue ga amio inu silaga siar e nasiarena kiau yum̃aena pimi tol nanagane.”