Juan 15:23-27

²³Loka xaa nayii ne na noka nayii xaa ne xaa Xuz na.

²⁴Nik tub kulp nagabt re xaa ne, chol nanglet na re kwaan gro kwaan nik stub xaa nyent mod le. Per nal lee re xaa nela kwaane, nu nixa sneeya nayii xaa ne xaa na nu noka nayii xaa ne xaa Xuz na.

²⁵Per re kwaane gak nel nzhaal gak re kwaan nkee lo ley: “Nyent cho kwaan, nu nayii re xaa ne xaa na”. Sal. 35:19; Sal. 69:4

²⁶’Per gorna yiid Xaa Seleyy gu, Mbi Naban kwaan wli, lee xaa zaa kwent cheen na lo re gu. Xaal na xaa gorna zo na lo Xuz na, nel lo Xuz na roo xaa.

²⁷Nu noka re gu nzhaal zaa kwent cheen na, nel mzo gu kwaan na axta yilo.