Yatjayaku 11:5-9

⁵Nyangka puurrpa palunyalu tjukarurru nyinarranytjalu yarnangu pirninyartu walykumunulu kanyinma.

⁶Nyangka-ya ngupanu puru tjiipu kurluny-kurlunypa-ya lurrtjurringkula nyinama. Nyangka-ya tjarrnga purlkanya puru nanikuurrpa kurluny-kurlunypa pirni lurrtjurringkula nyinama. Nyangka-ya puluka kurlunypa pirni layinpatarrartu lurrtjurringkula nyinama. Nyangka-ya tjilku kurlunytju-tjananya yanamulpa pirninya walara katima mirrkaku kapikututarra.

⁷Nyangka-ya puluka pirnilu ngupanu pirnilu lurrtjurringkula yukiri parrangalkuma. Nyangka-tjanampa kurluny-kurlunypa pirni-ya ngurlumaalpa lurrtju ngarrima. Nyangka-ya layintu tjanpi ngalkunma pulukapirinytju.

⁸Nyangka-ya tjilku kurlunypa pirni lirruku pirtiwanatarrartu palya ngarlpurringama. Nyangka-tjananya lirrulu patjantjamaaltu wantima.

⁹Nyangka-ya yarnangu pikaputju Tjurutjamalawana nyinakitjamunu. Tjiinya-ya tjamirringkulalpi nyinama. Nyangka-ya yarnangu pirninyartu Mama Kuurrku ninti nyinama. Kutjupanya ngurrpa nyinakitjamunu.