Yaburina 83:2-15

²Ala, i nama i dundu. Ala, falan ti, i nama i raxara!

³A mato, i yaxune bata keli. Naxanye i raɲaxuxi, ne bata murutɛ.

⁴E feene yitɔnma wundoni i ya yamaan xili ma. I naxanye ratangaxi, e sama e bode fari ne xili ma.

⁵E naxa, “En sa e raxɔri, alogo Isirayila xinla xa tunun dunuɲa yi.”

⁶E bata lan a ma, e xa e malan i xili ma,

⁷Edɔn kaane nun Sumayila bɔnsɔnna muxune nun Moyaba kaane nun Hagari kaane

⁸nun Gebala kaane nun Amonine nun Amalɛkine nun Filisitine e nun Tire kaane.

⁹Asiriya yamanan fan bata sa e fari, alogo e xa Loti bɔnsɔnna muxune mali.

¹⁰A liga e ra alo i a liga Midiyan kaane ra kii naxan yi, alo i a liga Sisera nun Yabin na Kison xudeni kii naxan yi.

¹¹E faxa nɛn En-Dɔri yi, e yi kun bɔxɔn fari.

¹²A liga e kuntigine ra alo i Orebi nun Sebi liga kii naxan yi. E mangane birin xa lu alo Sebaxa nun Salamuna,

¹³naxanye yi a falama, e naxa, “Nxu xa Alaa bɔxɔne tongo nxu gbeen na.”

¹⁴Ala, e liga alo wuluwunla na sɛxɛ xarene tongo, alo foyen na se dagin xali,

¹⁵alo tɛɛn fɔtɔnna ganma kii naxan yi, alo tɛɛn tema geyane ma kii naxan yi.