Yaburina 72:1-8

¹Sulemani gbeena. Ala, mangan xaran i ya kitisa kɛndɛn na. I ya tinxinyaan yita n tan mangana diin na.

²Nanara, a i ya yamaan makitɛ tinxinni. A sariya kɛndɛn sa yiigelitɔne xa.

³Ala xa bɔxɔn nasabati yamaan xa. Ala xa tinxinyaan sabati yamanani.

⁴Mangan xa sariya kɛndɛn sa yiigelitɔne xa. A xa tɔrɔ muxune diine rakisi, a yi e yɛngɛfane rayensenɲɛ ayi.

⁵I ya mangayaan xa magaxu ayi han mamandenne mamandenne fanni sogen tema fanni kiken mɔn dɛgɛma.

⁶Mangan fanna xa liga alo tulena xɛɛne ma, a xa liga alo tule igen nɛɛn fɛ bɔxɔn ma.

⁷Tinxin muxune xa sabati mangan waxatini. Ala xa hɛri gbeen fi fanni kiken dɛgɛma.

⁸A mangayaan gboma ayi nɛn sa fɔlɔ sogeteden na han sa dɔxɔ sogegododen na. Fɔlɔ Efirati baan ma han sa dɔxɔ bɔxɔn danna ra.