Yaburina 69:11-19

¹¹N na wuga, n yi sunna suxu, yamaan yi n konbi.

¹²N na kasa dugin nagodo n ma sununi, yamaan yi sabaan so n na.

¹³Naxanye batuma taan so dɛɛn na ne n nafɛyama. Dɔlɔ minne sigin sama, e n magele.

¹⁴Koni Alatala, n na i tan nan maxandima. I ya hinan gbeen waxatin ni i ra n xa. Ala, n yabi i ya marakisi barakaxini.

¹⁵N xunba, n nama bitin boroni. N xunba n yaxune yii, n ba tilinni.

¹⁶I nama tin fufaan yi sa n xun ma. I nama tin n yi n mamin tilinni, hanma n bitin gaburun na.

¹⁷N ma Alatala, n yabi i ya hinanna nun i ya fanni. I firifiri n binni i ya kininkinin gbeeni.

¹⁸I nama i yɛtagin luxun i ya walikɛɛn ma. N yabi iki sa! Bayo n tɔrɔxi.

¹⁹Fa n fɛma i yi n nakisi. N xunba n yaxune yii.