Yaburina 40:10-17

¹⁰N tinxinyaan nalima nɛn i ya yamani. Alatala, i a kolon, n mi n dundɛ.

¹¹N mi i ya tinxinyaan namaraxi n kedenna xa. N ni i ya ɲɔndin nun marakisina fe falama nɛn. N mi i ya hinanna nun i ya lannayaan luxunɲɛ yamaan ma.

¹²I nama tondi kininkininɲɛ n ma, Alatala. I ya hinanna nun lannayana n marama nɛn waxatin birin.

¹³Amasɔtɔ, n ma tɔrɔne bata wuya han e mi yatɛ! N hakɛne bata n suxu, n mi fa se toma. E wuya dangu n xunsɛxɛne ra. Bɔɲɛ yixɔdɛxɛ mi fa n yi sɔnɔn.

¹⁴Yandi, Alatala, n nakisi! Alatala, fa n mali iki sa!

¹⁵Ala xa ne yarabi naxanye katama n faxa feen na, a e yɛ yifu fefe! Ala xa ne raxɛtɛ marafɛyani n ma tɔrɔyaan nafanxi naxanye ma.

¹⁶Ala xa ne ratɛrɛna e yagin na, naxanye a falama n ma, e naxa, “Yɔ! I suxi yati!”

¹⁷Naxanye birin i tan fenma, i xa ne birin nasɛwa. I ya kisin xɔnla naxanye ra, ne xa lu a falɛ, e naxa, “Alatala gbo!”