Yaburina 17:3-12

³I na n bɔɲɛni feene fɛsɛfɛsɛ, i na n nakɔrɔsi kɔɛɛn na, i na n kɛɲaan fɛsɛfɛsɛ, i mi fɛ yo toɛ n na. N mi tinɲɛ fala ɲaxin yi mini n dɛ

⁴alo muxu gbɛtɛne kɛwanle kii naxan yi. N bata i ya yamarin suxu. N mɔn mi biraxi gbalotɔne kirane fɔxɔ ra.

⁵N sigan tima i ya kirane nan xɔn ma tun, han iki, n munma dagalanɲɛ ayi singen.

⁶Ala, n na i maxandima amasɔtɔ i n yabima nɛn, nanara i firifiri n xɔn ma, i yi i tuli mati n ma maxandi xuiin na.

⁷I ya kabanako hinanna yita nxu ra, i tan naxan muxune rakisima e yaxune ma naxan na a luxun i yi.

⁸N natanga alo i yɛɛne. N luxun alo tɔxɛ diin soma a nga gabutɛne bun ma kii naxan yi.

⁹Nanara, muxu ɲaxine mi n liyɛ, n yaxu ɲaxin naxanye n nabilinni.

¹⁰Kininkinin yo mi e yi, e falan tima yandan na.

¹¹E bata fa n fɔxɔ ra iki, e n nabilinni. E yɛɛne tixi n na e fɛrɛn fenma e n nabira bɔxɔni.

¹²E ligaxi alo yatana xɔɔyi se xɔnla naxan na, alo yata gbeen naxan n legedenma luxunni.