2Ɛ alane Ala tantun. A hinanna luma nɛn habadan!
3Ɛ marigine birin Marigin tantun. A hinanna luma nɛn habadan!
4A tan nan keden pe kabanako feene ligama. A hinanna luma nɛn habadan!
5A bata ariyanna rafala a xaxilimayani. A hinanna luma nɛn habadan!
6A bata bɔxɔn ti tilinne fari. A hinanna luma nɛn habadan!
7A bata yanban seene da kore xɔnna ma. A hinanna luma nɛn habadan!
8Sogen mangayaan ligama yanyin nan na. A hinanna luma nɛn habadan!
9Kiken nun sarene mangayaan ligan kɔɛɛn nan na. A hinanna luma nɛn habadan!
10A yi Misiran kaane dii singene faxa. A hinanna luma nɛn habadan!
11A ti Isirayila muxune yɛɛ ra keli Misiran yamanani. A hinanna luma nɛn habadan!
12A na liga a sɛnbɛ gbeen nan na. A hinanna luma nɛn habadan!
13A yi Gbala Baani taxun a tagi. A hinanna luma nɛn habadan!
14A yi a muxune ragidi a tagi, Isirayila kaane. A hinanna luma nɛn habadan!
15A yi Firawona nun a sofane radin Gbala Baani. A hinanna luma nɛn habadan!
16A ti a muxune yɛɛ ra tonbonni. A hinanna luma nɛn habadan!
17A yi manga gbeene faxa. A hinanna luma nɛn habadan!
18A yi manga sɛnbɛmane faxa. A hinanna luma nɛn habadan!
Yaburina 136
Yaburina 136:2-18