Yaburina 135:5-15

⁵N na a kolon fa fala Alatala gbo, en Marigin gbo alane birin xa.

⁶Kore xɔnna nun bɔxɔ xɔnna ma, fɔxɔ igene nun yire tilinxine birin yi, naxan na rafan Alatala ma, a na nan ligama.

⁷A bata foyen nun tulen nakeli bɔxɔn danna ra, a kuye sarinna ramini e nun tulena, a foyen nakeli a ramaradeni.

⁸A yi dii singene nun xuruse dii singene faxa Misiran yamanani.

⁹A yi kabanako feene liga ɛ tan Misiran kaane tagi, Firawona nun a kuntigine birin xili ma.

¹⁰A siya wuyaxine halagi, a yi manga sɛnbɛmane faxa,

¹¹sa fɔlɔ Amorine Manga Sixɔn ma, e nun Basan Manga Ogo e nun mangan naxanye birin Kanan yamanani.

¹²A yi e bɔxɔne so Isirayila yii e kɛɛn na, a findi a yamaan kɛɛn na.

¹³Alatala, i xinla fe luma nɛn habadan! Mayixɛtɛne nun mayixɛtɛne e xaxili luma i xɔn ma nɛn.

¹⁴Alatala a muxune xun mayɛngɛ kitin sama nɛn. A kininkinin a walikɛne ma.

¹⁵Gbetin nun xɛmaan nan tun siyane suxurene ra!