Yaburina 132:1-11

¹Ala Batu Banxi yisiga bɛtina. Alatala, Dawudaa fe xa rabira i ma, e nun a tɔrɔne birin.

²A tan nan a kɔlɔ Alatala xa, a yi a dɛ ti Yaxubaa Ala Sɛnbɛmaan xa.

³A naxa, “N mi soma n konni, n mi n sama n ma saden ma,

⁴n mi tinɲɛ n yi kinsan hanma n yi xi,

⁵han n yiren fen Alatala xa, Yaxubaa Ala Sɛnbɛmaan luma dɛnaxan yi.”

⁶Nxu bata a fe mɛ Efarata yi, nxu bata a to Yaari taan nabilinni.

⁷E naxa, “En siga Alaa banxini, en yi en xinbi sin a san bun.”

⁸Alatala, keli, i fa i dɔxɔdeni, i tan nun i ya kankirana, i sɛnbɛn naxan yi.

⁹Ala xa i ya saraxaraline findi tinxin muxune ra, i ya tɔgɔndiya muxune yi sɔnxɔ sɛwani.

¹⁰I nama i ya manga sugandixin nabeɲin, i ya walikɛɛn Dawuda fe ra.

¹¹Alatala bata a kɔlɔ Dawuda xa, a mi a kalɛ mumɛ! A naxa, “N ni i ya dii xɛmɛna nde nan sugandima, a ti i funfuni mangan na.