Yaburina 12:1-6

¹Dawudaa bɛtina, bɛti baane kuntigin xa. A xa ba kondenna luti solomasɛxɛn na.

²Alatala, nxu mali, bayo muxu tɔgɔndiyaxine bata ɲan. Dɛnkɛlɛya muxu yo mi fa adamadiine yɛ.

³Birin wulen falama a boden xa. E e bode yanfa wule matɔxɔn xɔn.

⁴Alatala, na muxune dɛɛn suxu naxanye wule matɔxɔn tima, e nun muxu dɛ raɲaxuxine,

⁵naxanye a falama, e naxa, “Nxu nɔɔn sɔtɔma nxu fala xuine nan xɔn. Nxu dɛɛn fatan han! Nde nxu nɔɛ?”

⁶Awa, Alatala naxa, “Bayo yiigelitɔne ɲaxankataxi, e nun tɔrɔ muxune wugama, nba iki, n bata keli, n na e ratangama nɛn naxanye raɲaxuxi.”