Yabura 80:2-10

²Isirayila kantama, i i tuli mati n na, i tan naxan Yusufu bɔnsɔɛ raɲɛrɛma alɔ xuruse gɔɔrɛ. I xa i xa nɔrɛ masen, i tan naxan magoroxi malekɛ masolixie tagi.

³I sɛnbɛ ramini Efirami, Bunyamin, nun Manasi bɔnsɔɛ ya i, i xa muxu rakisi.

⁴Ala, i xa muxu ragbilen, i xa hinnɛ muxu ra alako muxu xa kisi sɔtɔ.

⁵Mangɛ Ala, i tondima i xa ɲama xa maxandi suxude i xa xɔnɛ xa fe ra han mun tɛmui?

⁶I e rabaloma e yaye ra, i e yaye fima e ma minse ra han mun tɛmui?

⁷I bara lantareya raso muxu nun muxu dɔxɔbooree tagi, e yoma muxu ma.

⁸Mangɛ Ala, i xa muxu ragbilen, i xa hinnɛ muxu ra alako muxu xa kisi sɔtɔ.

⁹I wɛni bili nde tala nɛ Misira naxan findixi i xa ɲama ra. I naxa sie ndee keri yire nde, i fa a tan si naa.

¹⁰I to na yire yailan a bɛ, a naxa a sankee masɔrɔn, a bɔxi rafe.