Kölfel 80:2-10

²Kopwe pwärukela ngeni chon ekewe ainangen Efraim me Peniamin me Manasa. Kopwe pwäri ngenikem om manaman, kopwe feito o amanauakem.

³Ai Kot, kopwe aliwinisefälikem, kopwe netiu wom fän om kirikiröch pwe aipwe küna manau.

⁴Ai Samol mi Lapalap, en ewe Kot mi unusen manaman, ifa ükükün fansoun om kopwe song ren än noum kewe aramas iotek?

⁵Ka amongöü ngenikem riaföü pwe enem mongö, ka pwal aünü ngenikem chönün mesem fän aükük watte.

⁶Ka föri pwe chon ekewe mwü mi nom aruum ra aninifengen won fanüem, nge chon oputakem ra takirin ämängauakem.

⁷Ai Kot mi Unusen Manaman, kopwe aliwinisefälikem, kopwe netiu wom fän om kirikiröch pwe aipwe küna manau.

⁸En ka uwato efoch irän wain seni Isip, ka asüela chon ekewe mwü o fotukätiu ewe irä lon fanüer.

⁹Ka limeti eu leni fän iten ewe irä pwe epwe tongeni märitä. A tötiu waran fän pwül lealolol, a pwal amasoua ewe fanü.

¹⁰Ekewe chuk ra pwölüla ren nürün, nge palan kewe ra usun chök palen ekewe irä setar mi fokun watte.