Yabura 5:2-10

²Alatala, i tuli mati n ma maxandi ra, i xa n ma tɔɔrɛ kolon.

³N Marigi Ala, i tuli mati n ma maxandi ra, n na i tan nan maxandife.

⁴Alatala, kuye nɛ ibama, i n xui ramɛma. Gɛɛsɛgɛ, n nan n yɛtɛ ragbilenma i ma, n i mɛmɛ.

⁵I mu ɲɛlɛxinma fe kobi ra. Fe ɲaaxi mu nɔma makɔrɛde i yire ra.

⁶Yɛtɛ igboe mu tima i ya i. I tinxintaree birin xɔnxi.

⁷I wule falɛ rahalakima. I faxatie nun yanfantee xɔnma.

⁸Kɔnɔ n tan soma i xa banxi kui i xa fonisireya saabui nan na. N nan n igoroma i xa hɔrɔmɔbanxi sɛniyɛnxi kui gaaxui ra.

⁹Alatala, n yaxuie xa fe ra, n xun ti i xa tinxinyi ra, i xa kira yailan n ya ra.

¹⁰Nɔndi mu na n yaxuie xa masenyi sese kui. E yuge mu fan. E xa wɔyɛnyi mixi rafilima nɛ, barima e dɛ iɲɔxun.