Sam keil 5:2-10

²Ahi ka asuv houlu onak, kilong tangien onak ven kovakataun inau. Namul nasan hisien keil onak minuk;

³en visokon, kolong rek. Navong meteiai kistal, namul napeahik, ka nakilea keke kisan heite minau.

⁴Keik korvitei Ahi koa kovasik ven sakien keil tatisa, kormaentei meatin tatisa keil avamai venuk.

⁵Tovuti keil asakras avalomal en metom. Kolele tisa en koakeil koa ualien one romaltei.

⁶Ku rasilin koakeil amul amumon luvosien. Ahi Asuv, tinom katiat varei ven koakeil ten rea ka vati luvosien keil.

⁷Ka ven more envatien onom, nakilea maha en teim som. En Eim Votut onom, navati lat isom, naretengeiril minuk ven ka navouhou minuk.

⁸Ahi Asuv, meatin houlu mete tisa enau. Kilamu enau en sise ten maluen, kitie sise koa em vati mousili.

⁹Koakeil mete tisa enau ka tine vil en rendemien takarien, nasakras maling desien onak val en selusien one. Selusien one suval ahoung, koa leh rendemien onen meatin ka mu vini.

¹⁰Ahi ten out nesa, hesan mahien min keil. Tounah tatisa koa avit avoumoni min meatin sav, hehiles hemai ris en keil. Kisila keil iha ranuk ven tisaen keil koa amumoni va katuk, veni keil aviles eisile ranuk.