Yabura 50:3-20

³Won Marigi Ala na fafe, a mu dunduxi. Tɛ belebele na a ya ra, foye xungbe fan na a rabilinyi.

⁴A xui tema koore ma, a xui goroma bɔxi kiiti sade a xa mixie bɛ.

⁵«N batulae, naxee laayidi tongoxi n bɛ sɛrɛxɛ ra, wo xa wo malan.»

⁶Ala xa masenyi tinxinxi kelima koore nan ma, barima kiitisa nan na Ala ra.

⁷«N ma mixie, wo wo tuli mati, n xa wɔyɛn. Isirayila, n bara wo kalamu. Ala nan n na, wo Marigi Ala.

⁸N mu xɔnɔxi wo xa sɛrɛxɛe xa fe ra. Wo sɛrɛxɛ gan daaxie bama n bɛ tɛmui birin.

⁹N mu tuura tongoma wo xɔnyi. N mu si kontonyi fan tongoma wo xa kulɛ.

¹⁰N gbe nan na sube birin na wula i. N gbe nan na sube birin na geyae ma.

¹¹N gbe nan na xɔni birin na koore ma. N gbe nan na sube birin na fiili ma.

¹²Xa kaamɛ n suxuma nu, n ma falama wo tan bɛ. N gbe nan na duniɲa birin na.

¹³N tan tuura sube donma? Ade. N tan si kontonyi wuli minma? Ade.

¹⁴A lanma wo xa tantui rasiga n ma, na xa findi wo xa sɛrɛxɛe ra. Wo xa wo xa laayidie rakamali n bɛ, n tan Ala Xili Xungbe Kanyi.

¹⁵Wo xa n xili wo xa tɔɔrɛ kui. N fama wo ratangade, wo fan fama n matɔxɔde.»

¹⁶Ala xa masenyi nan ya, mixi ɲaaxie bɛ, «wo na n ma yaamari nun n ma saatɛ durusife munfe ra?

¹⁷N ma sɛriyɛ mu rafan wo ma. Wo mu n ma wɔyɛnyi danxunma.

¹⁸Wo nun muɲɛtie na a ra. Wo nun yɛnɛ rabae na a ra.

¹⁹Fe ɲaaxi nan tun minima wo dɛ i, wo wule nan tun falama.

²⁰Wo nun naxan nga keren a ra, wo na tɔɔɲɛgɛma.