Y Salmo Sija 90:8-17

⁸Sa unpolo y tinaelayenmame gui menamo, yan y ti matungo na isaomame gui minananan y matamo.

⁹Sat odo y jaaninmame manmalofan gui binibumo: inlachae y sacanmame ni y taegüijeja cuentos ni y masangan esta.

¹⁰Y jaanen y sacanmame setenta años, ya y pot y minetgot siña gagaegue asta ochenta años; lao y sobetbiañija y checho yan y trineste; sa munaguse manmapos: yan jame mangupo.

¹¹Jaye tumungo y ninasiñan y linalalomo, ya y binibumo segun y ninamaañao guiya jago.

¹²Ya fanagüejam tumufong y jaaninmame, para mojon usiña guajajam un corason ni y malate.

¹³Talo mague, O Jeova: asta ngaean? ya polo ya unfañotsot pot y tentagomo.

¹⁴O nafannajong jam taftaf ni y minaasemo: ya insiña manmagof yan infansenmagof todo gui jaaninmame.

¹⁵Nafanmagof jam, segun na jaane anae unnafanpinite jam, yan y sacan anae inlie y taelaye:

¹⁶Polo y chechomo umalie gui tentagomo sija, yan y minalagmo gui famaguonña.

¹⁷Ya y guinatbon Jeova ni y Yuusta ugaegue guiya jame; ya unnafitme guiya jame y checho y canaeta: magajet, y checho y canaemame unnafitme.