waRoma 12:5-15

⁵ndi sawa‑sawa nofwe: tiwa wengi, fala kwa kuwa tilungana na Almasihi, tiwa mwiri mmoja, na kila mmoja kifingo ka mwenziwe.

⁶Mwenyezimungu, julu ya rehema yake, katipa neema ya uwezo jisijisi. Apéwe uwezo wakubushuru, atende kwa kufulata kiyasi ca kwamini kwake.

⁷Apéwe uwezo wakutumika, atumike. Ikiwa wakufunda, afunde.

⁸Apéwe uwezo wakuwarimbisa myoyo wenziwe, basi awarimbise myoyo. Apéwe uwezo wakumera, amere asiwe na coyo. Apéwe uwezo wakuwalongoza wenziwe, awalongoze kwa juhudi. Apéwe uwezo wakuwolotera wanu huruma, atende kwa radi.

⁹Kupenda kwenu kuwe ka kweli. Ubaya ukukimeni, rimbisani kutenda meema.

¹⁰Pendanani munu na mwenziwe kwa pendo ra unduyu, na mwinshimiyane kwa juhudi.

¹¹Tenderani juhudi kazi, musiwe wafuko. Ntumikeni Mwenye kwa roho ya kukulunguzani.

¹²Nkati ya tamaa, furahini. Nkati ya tabu, vumirirani. Na nkati ya duwa, zidini kulebela.

¹³Wasaidiyeni wenye kwamini. Na wayeni wapokerereni na jitiyadi.

¹⁴Wanu wakulumbatani, nlebeleni Mwenyezimungu awabariki. Lebelani wajanliiwe, musiwalani.

¹⁵Wenzenu wari kufurahi, furahini nawo. Wenzenu wari kurira, rirani nawo.