Loma 12:5-15

⁵‌ʻOku pehē foki ʻakitautolu, ko e tokolahi, ka ko e sino pe taha ʻia Kalaisi, pea ʻoku tau feʻaongaʻaki fakataha ʻae kupu kotoa pē.

⁶Ko ia ʻi heʻetau maʻu ʻae ngaahi foaki ʻoku fai kehekehe, ʻo taau mo e ʻofa kuo foaki kiate kitautolu, kapau ko e kikite, tau fai ia ʻo fakatatau mo hono lahi ʻoe tui;

⁷Pe ko e tauhi, tau fai ʻae tauhi: pe ko ia ʻoku akonaki, ke fai ʻene akonaki;

⁸Pe ko ia ʻoku ekinaki, ke ne ekinaki: ko ia ʻoku foaki, ke fai ia ʻo angatonu; ko ia ʻoku pule, ke faʻa fai ia; ko ia ʻoku fai ʻofa, ke fai ʻi he fiefie fai.

⁹Ke taʻemalualoi ʻae ʻofa. Fehiʻa ki he meʻa ʻoku kovi; piki maʻu ki he meʻa ʻoku lelei.

¹⁰Ke mou feʻofaʻaki ʻakimoutolu ʻi he ʻofa fakakāinga; ʻo mou felotoleleiʻaki ʻi he fefakaʻapaʻapaʻaki kiate kimoutolu;

¹¹‌ʻOua naʻa fakapikopiko ʻi he ngāue: ka mou loto vela; ʻo tauhi ki he ʻEiki;

¹²‌ʻO fiefia ʻi he ʻamanaki lelei; pea faʻa kātaki ʻi he mamahi; pea fai maʻu ʻo fakakukafi ʻi he lotu;

¹³Tufaki ki he masiva ʻoe kāinga māʻoniʻoni; tuli ki he angaʻofa.

¹⁴Tāpuaki ʻakinautolu ʻoku fakatanga kimoutolu: tāpuakiʻi, pea ʻoua naʻa kapea.

¹⁵Fiefia mo kinautolu ʻoku fiefia, pea tangi mo kinautolu ʻoku tangi.