5Iduen kitail me toto, war ta ieu ren Krijtuj, kitail ap kokon pena nan pun atail.
6Atail pai en mak akan mia ap toror pajan, duen mak o me kitail aleer: Ma deideikop kitail en kokopada duen wan pojon,
7O ma dodok eu, kitail en kolekol atail dodok; o ma jaunpadak amen, i en wiada padak,
8Ma amen kin panaui, i en panaui, ma amen kin kijakij wei, a en opampap, ma kaun amen, a en kanekanaion, ma amen, kin kalanan, a en peren kida.
9Omail limpok ender japun, tateki me jued, teneten ni me mau.
10Omail limpok pena en tapi jan monion omail; wauneki amen, mon a pan waune kin uk.
11Der tanana ni omail dodok; nen omail en inon ion dodok on Kaun o.
12Peren ni kaporopor; kanonama ni anjau apwal; podidi on kapakap.
13Kijakij on jaraui jamama kan; kajamo ki peren.
14Kapaiada me kin paki komail; kapaiada o der kariala.
15Perenda ren me popol akan; o janejan ren me janejan kan.