Waiwia 27:8-22

⁸A meid apwal at dauli waja o; kit ari lel on jap eu, me ad a Kapitau mau koren ion kanim Lajäa.

⁹A anjau lao daulier o a apwalar on jailok jili, aki ran en kaijejol daulier, Pauluj ap kotin panaui o

¹⁰Majani on irail: Ol oko, i ajaer me jailok wet pan juedela a pan apwal kaualap, kaidin on audepan jop o jop eta, pwe pil on maur atail.

¹¹A kaun en jaunpei o liki jaunilil o jaumaj en jop o jan majan en Pauluj.

¹²A kapitau me jota non mau on jop en mimieta ni anjaun kapau. Koren ion karoj ari men jamala jan waja o, o re jon, ma re jota kak on lel Pönikj, pwen mimita waja o ni anjaun kapau, i kapitau en Kreta eu, me mi ni pali air o pali apan.

¹³A an lao udo jan pali air, re ap kiki on, me re pan pwaida, ap apiada paipun ko tanala liman Kreta.

¹⁴A madan melimel udo jan Kreta, me ad a alepip en kijinian.

¹⁵A an lao kapeila jop o, o jop jolar kak on, kit ap nenenla o peila.

¹⁶Ni at tanala pananen dake tikitik eu, me ad a Klauda, me tar kij, a je jolar kak on koledi pot o.

¹⁷Irail apiada i, pwen kak piradi on ni jop o, ap lilidi, pwe re majak re de jerada nan Jirte, ap punipunidok jili.

¹⁸Kit lao punipunidok jili kaualap, manda ap kamararadar jop o.

¹⁹A ni ran kajilu irail kaje kila pein pa arail kapwa en jop o.

²⁰Kadekadeo ran totola jota katipin o jota uju, o melimel kalaimun u don kit, ap jolar at kaporopor en pitila.

²¹A kit lao kaijejol warailar, Pauluj ap pwarada nan pun arail majani: Ol oko mak eta, komail en peiki on ia er o jo majel jan Kreta, pwe kitail ender lel don kaupatail.

²²A met i panaui komail, en kaporopor mau, pwe jota me pan mela, jop eta me pan ola.