18Ŋgar to Yudas ighami, deŋia maau. Eemoghon tigham le atia, ve ighol le taan pida eez pani. Eemoghon ila itap izala taan tonowen, le apo ivavaal ve kodkoda imaliŋ.
19Mbeb tonenen varu ilaan irau tamtoghon tisob to Yerusalem ve tilooŋa. Pughu tonene to tiwaat taan tonowen ila taudi aliŋadi tighaze: ‘Akeldama.’ (Akeldama pughu, nene vene: ‘Taan to siŋ.’)
20“Saveeŋ waaro eez to ineep ila Mbouŋ To Yes Israela, isaav tovene: ‘Ina to nepooŋ pale ŋginiŋa. Tamtoghon eta irau ineep tonowe muul maau.’ “Ve Maaron aliŋa waaro ite isaav ighaze: ‘Tamtoghon ite irau igham ina, ve igham uraat toni to ŋginiiŋ.’
21“Tovenen tamtoghon eta irau igham Yudas ina. Leso yeiŋa nipariaaŋ mundigiiŋ to Yesu saveeŋa. Taghita tamtoghon toit eta to inepneep toman ghiit ve itiŋa Yesu talaghlaagh pa sawa to Yoan ŋgeu rughuzaaŋa igham uraat toni, ve inim sawa to Maaron indae Yesu a ipul ghiit, ve imuul iza ila pa sambam.”
23Petrus isavsaav le isob, ghoro tipayoon ndiran ru: Yosep Barsabas to iza ite Yastus, ve Matias.
24Tipayoon yesuru, ve tisuŋ pa Maaron tighaze: “O Tiina tiei, yom uwatag tamtoghon tisob lolodi. Tovenen ndiran ru tonene, upatooŋ sei to yom ughaze ughuri igham Yudas ina. Leso inim mbaŋooŋa tiom ve igham uraat tiom tonene. Pasa, Yudas, ye ipul muri pa uraat tiom, ve imaat gha ila ndug to yom ughuri pani pataghaaŋ wa.”
26Tisuŋ le isob, ghoro tiŋgozŋgooz le ipatooŋ Matias. Tauto Matias igham Yudas ina, ve iŋgal mbaŋooŋa saaŋgul ve eez le tinim saaŋgul ve ru muul.
Uraat To Yes Mbaŋooŋa 1
Uraat To Yes Mbaŋooŋa 1:18-26