Eks 1:18-26

¹⁸Regavo mon iji Judas fu unam ise ijia abenma iji fu abe moik be kimen. Regavo moik iji fu kimenma iji fu ijia ari kanamga fu detavuame guain.

¹⁹Rega e fok ar Jerusarem ijia karinva bu vuak iji faime uri vua buonak ar iji abe ime kua Akerdamno kuain. Regavo Akerdama ijefuon maiji Ar Kavuan Arimon.

²⁰Regavo vuak iji bu buk Sams ijia ijeg isoi, Ar fuon iji e be fuba ijia fikno kuain. Regavo vuak be bu madu ijeg isoi, E be fuka ik fuon fu reno iji abekno kuain.

²¹Ijefuon e be fuka nona rene Jesuon vuak iji fu guame una urinma iji abe e roin kuardiakfuon.

²²Regavo e iji fu tavan fok nona Jesu jaoinma iji ga ik anej ijia Jon fu e nijaidiaknum do ruardiainma iji game roke Jesu fu varur gufia ajie vaka fu gainma no e ijin abekno kiain.

²³Ijefuon bu e nokarok (2) be fu if nokbek (3) Josof Basabas ga Jastas kuavo iji abega e be if fuon Mataias ijin aben.

²⁴Bu e iji kege Godon sirimamene kua, E bomana a e fok ijiebuon oij iji ar giamon ijefuon e nokarok (2) igi giame e a vierafenma iji nijaiduomne. E Judas fu vuak on abe oinon ijia fu ik fuon iji areme ar fu vakfuon ijia vainmano ni erar fu ar fuon abekfuon iji nijaiduomne kuain.

²⁶Rene bu if buon isoime ke kaf gufia korva Mataiason if ijar amur arimga bu fu abe una e ireven (11) Jesu jaoijo ijiena mazin.