13Tisavsaav le isob, ghoro Yakobus ana imundig, ve isaav pa ival tiina ighaze: “Yam toŋvetaz, aghur taliŋamim payou, ve anag nasaav.
14Maaron ighaze iyou tamtoghon to ndug ndug tinim le, leso igham iza ivot inim tiina. Ŋgaramus, Simon ipaesia sawa inim mata to Maaron igham tamtoghon pida to Yuda maau ne tinim le.
15Ve yes propeta tisavia ŋgar raraate moghon. Pasa, Maaron aliŋa pida to timbooda, isaav ighaze:
16‘Aazne, pataŋani tiina ivot pa siŋ to David ve iwaghamun di. Yes tinimale ruum to tireu mbirisani. Eemoghon muri, you pale nauul di, leso tiyoon ariaŋa ve tigham pooz muul.