Abosolo 15:13-16

¹³Libugua bi lai hayagola Yamesehanda lalu, Hameneru-o i̱na bi larogo hale hadaba.

¹⁴Ngode Datagaliwabe ibugua Yu wali agali ndo tara tara karu hame layago abale walia halu maru ibunaga helo dabayago Saimonohanda ina bayuwa langiya.

¹⁵Langiyadagua Ngode Datagaliwabe mana latagi haga hearume bi ogoniore lowinigo nga. Anduane Homogonaga mbugani lo ngago ogo,

¹⁶Anduane Homogohanda lalu, Awe i̱ dai bulebero. Dai buwa i̱na Debidihanda ala handame ho henedagua lone mbiralime handame helo helolebero. Handame ho holene ogoni podo ibira ho ngago muwa i̱na mo gini bialu mo hongo ho helolebero.