Uluka 2:9-40

⁹Bibe bika dura ka Asere bi ē ahira awe, Ma saa ma Asere maketi we, wa kunna biyan bidandang.

¹⁰Abinime bibe bika dura ka Asere be gun we “Kati ikunna biyan ba, ma aye shi inna banga aririn age sa Vat anu wadi kunna urunta udandang.

¹¹Ayoo unu bura kānime ani pin ni Dauda, memani Asere Ugomo Asere.

¹²Ma saa me mazigenme sa adi nya shi, idi iri vana a impo me imma pori anata me hungu”.

¹³Sārki ucara uganiyan wa iri nigura nanuu nan Bibe bikadura ka Asere unu nonzo Asere innugusa.

¹⁴“Ninonzo na Asere unaza, nan ticukum tihuma acee anu nee nan de sa ma kunna urunta ume”.

¹⁵Abiki uganiya me sa Bibe bika dura ka Asere ba dusa anyimo a seseri, ani tam me wa gun nacece “Ca tihaa ubaitalami, tika iri imum igeme sa takunna sa Asere abukan duru”.

¹⁶Wa haa dibe-dibe waka kem Maryamu nan Isubu wan vana me anata uhungu.

¹⁷Sa wa ira me, wa buki anu imum me sa abuka we anicee ne vana me.

¹⁸Vat ande sa wa kunna icukuno Imum ugamara imum me sa anu hira itam me wa buka.

¹⁹Maryamu ma meki ubassa utimum me sa ma kunna, unu gamara me Iruba.

²⁰Anu hira itam me wa kuri. Ininonzo nan ununonzo Asere, barki imum me sa wa kunna, wa ira, ka si ubuka me sa wa kunna.

²¹Sa tiyee uwito-utari ta wuna sa adi gbari me, anya me niza Yeso, niza me sa Bibe bika dura ka Asere ba nyame ada Sārki uzika apuru amè.

²²Sa tiyee tusuro tawuna kasi u' inko utize ta Asere “Vat utuba uyoo uruma adi witi Asere me”.

²³Kasi unyertike U' inko utize ta Asere “Vat utuba uyoo uruma adi witi Asere me”.

²⁴Wa nya me unyanki kasi u' inko utize ta Asere “Mu hurbe muni muree nan matatabara marce”.

²⁵Ure unyu marani ujerusalem niza nume Siman, una biyan ba Asere mani ini ruba ilau. Mazin nunyara ubarka u Isaraila, Bibe ba Asere baazi nan me.

²⁶Bibe bilau ba Asere ba bezi me unu guna mada wono ba senke ma ira Asere Yeso.

²⁷Uru wui Bibe bilau ba Asere bihan Siman udenge Asere. An ka coo me wa ēn Yeso vana uneze, kasi utanda nan u'inko utize ta Asere.

²⁸Ma gbindirko me abigiri ma nonziko Asere ma gu.

²⁹“Aname ca urere uweme madusa inna puru arum Asere, kasi ubuka uweme.

³⁰Barki sa aje am a'era nibussi nuweme,

³¹Sa wa wuza amu hennu manun vat.

³²Ma saa mani mati roo uhana anuu uzati utarsa Asere nan ninonzo uhana anuu aweme Isarailawa”.

³³Acoo avana me nan ka inoo we wa kunna urunta imum me sa mubuka.

³⁴Siman ma nonziko we ma gun Maryamu a inoo me “Kunna memmerum Vana ugeme madi cukuno unaa urizo nan uhira wa nun gbardang anyimo Isaraila nan ubezi sa adi nyarime.

³⁵Uvira udi watti iruba iweme bati arusi muruba manu”.

³⁶Unun kurzuzo utize ta Asere ahiran me unani zaa Hanatu. Ucaa ufanuyila nilem ni Ashiru mamu wuna uwari kang. Wa wuu tiwee usunare inna nyaa nan uruma umeme.

³⁷Ma zi'inti wee a'ino-uwitotari intini tinazi (84 years). Daki maceki udenge Asere ba inka tuma unu canti anyoo nan biringara niyee nan nuwui.

³⁸Uganiya me ma nyene uhana ahira awe unu nonzo Asere, ma buki vat ande sa waazin nubee uburu Urshalima abanga a vana me.

³⁹Sa wa mara kondi nyani wa wuzi kasi u inko utize ta Asere, wa kuri Ugalili ani pin nuweme Unazarat.

⁴⁰Vaname ma uu mawu nikara, nan ukingizi urusa, nan ubenki Asere anicee nume.