Uluka 23:12-25

¹²Barki Hiridus nan Bilatus wazin ruroni inna cece atiyee me (wazin inni erru atiyee ta dumo)

¹³Bilatus ma titi anuu adandang aka tuma nan Agomo dandang nan nigura na nuu.

¹⁴Ma gun we “Ya aye nime unu nuu ugeme kasi unuu sa mazin nuwuza anun wa wuzi imum izenzen, irani ma iko me ashin, daki ma kem me inna bur imumme sa ya booni anicee numeba.

¹⁵Nan Hiridus sa ma kurzo me ahira aru ma ira me inna bur sa abari ahun me ba.

¹⁶“Barki anime indi cobi me in ceki me”.

¹⁷Bilatus maka nya a Yahudawa unun inde anyimo ande sa wa rani akura ani rere uganiya idin keterewa.

¹⁸Wa meki tihunu vat uwe unu gusa “Ceki unuu geme u nyan duru Barabas”.

¹⁹Barabas unuu me sa aka korso me udenge uni rere sa ma guri ahira ahun unuu.

²⁰Bilatus ma kuri ma buki we tize uguna ma ceki Yeso.

²¹Wa wuu tihunu wa gu “Gankirka me, Gankirka me”.

²²Ma gun we uku taru, “Barki nyani, a ya bur ani unuu geme ma wuza shi? Daki makemme unu pilko sa wa bari ahume ba. Barki anime imma Cobo me indi ceki me”.

²³Wa game inti myiran inna za, unu nyara a nyawe me wa gankirka me. Tihunu tuweme tihunguko iruba i Bilatus.

²⁴Abinime Bilatus ma nya we me.

²⁵Ma ceki Barnabas sa maa guri ahira ahun unuu. Ma nyawe Yeso sa wa nyara.