Tjakultjurinkunytja 19:2-5

²Paluru tjananya tjapiṉu, “Yurrunpa, Katutjaku kurrunpa nyurrangarrila tjarrpangu?, nyurrangarri Yiitjuku walytjarringanyingka,” Tjana yalatjiya watjaṉu, “Wiya. Katutjaku kurrunpakulatju ngurrpa nyinanyi, kulintjawiya.”

³Puulalu piyuku tjananya tjapiṉu, “Nyurrangarri Yiitjuku walytjarrinytjala kutjupangku nyurranya kapingka papatatjimilaṉingi, yilta?” Tjana yalatjiya watjaṉu, “Tjaanalu tjananya kapingka tjarrpatjunkula papatatjimilalpayi. Palunya nguwanpa nganaṉanya tjana kapingka tjarrpatjunkula papatatjimilaṉu.”

⁴Puulalu tjananya watjaṉu, “Tjaanalu tjananya watjaṉu, ‘Kuya palyalwiyangkuya wantinytjala, ngayulu nyurrangarrinya kapingka tjarrpatjunkula papatatjimilalku.’ Tjaanalu piyuku tjananya watjaṉu, ‘Mayutju kutjupa nyurrangarrimpa ngalyankula nyinaku, palumpa wangkanyurra kulira walytjarrinytjaku.’” Puulalu tjananya piyuku watjaṉu, “Mayutju paluru Yiitjunya.”

⁵Wangka yalatjiya kulira Puulanya watjaṉu, “Yiitjunya mayutju tiṉalampa nyinanytjala, kapingkalanyatju tjarrpatjunkula papatatjimilala!, Yiitjula yiningka.” Paluru tjananya kapingka tjarrpatjunkula papatatjimilaṉu. Paluru tjana wati tuwalpala nyinangu. Palunyatjanu Puulalu tjanala katangka mara tjunkula Katutjanya tjapintjala Katutjaku kurrunpa tjanala tjarrpangu. Palulanguru wangka kutjupa kutjupa tjana wangkangu. Katutjaku wangkaṯarraya tjakultjunangi.