Tjaanakuṉu 7:40-45

⁴⁰Yiitjuku wangka panyapa kulira tjaampalangkuya watjaṉu, “Tjana watjaṉu nganaṉanya Katutjaku wangka watjalpayi Muutjanya nguwanpa ngula ngalya yanku. Palatja Katutjaku wangka watjalpayi palunya. Paluru ilta ngalyankula nganaṉanya nintiṉi.”

⁴¹Kutjupa tjuṯangkuya watjaṉu, “Palatja ilta Kurayitjanya wangkanyi, Katutjalu watjara wantirriyaṉutja.” Kutjupa tjuṯangkuya watjaṉu, “Palatja Kurayitjanya wiya manta Kaliliyinya ngurrara.” Paluru tjana piyuku watjaṉu,

⁴²“Katutjaku wangka irriṯi tjunutja yalatji ngarrinyi. Kurayitjanya tawunu Pitjiliyamala puunarriku, mayutju Tapitaku walytja ngaṉṯitja. Tapitaku tawunu Pitjiliyamanya ngurrara paluru nyinaku.”

⁴³Yalatji kutjupa tjuṯangkuya wangka panyapa watjalpayi, kutjupa tjuṯangku wangka kutjupa watjalpayi.

⁴⁴Yurrkunytji tjuṯa tjaatji tiṉangka waarrkarripayi. Paluru tjana kuliṉu Yiitjunya witintjaku. Yalatji kulira tjana Yiitjunya wantingulpi, witilwiyangku.

⁴⁵Yurrkunytji paluru tjana Yiitjuku wangka kulira tuḻkuku mayutju tiṉa tjuṯakutu yanu. Paluru tjanala Paratji tjuṯa tjungu nyinangi. Paluru tjana yurrkunytji tjuṯangka tjanala tjapiṉu, “Nyaakunyurra Yiitjunya witira ngalya katinytjawiyangku wantingu?”