ᤕᤢᤜᤢᤴᤏᤠ 7:40-45

⁴⁰ᤜᤧᤰᤁᤩᤠᤱ ᤁᤴ ᤔᤧᤄᤧᤵᤛᤢᤀᤠᤱ ᤔᤏᤠᤜᤠ᤹ᤖᤧ ᤀᤰᤂᤣ ᤔᤧᤒᤠ᤺ᤳᤋᤢ. “ᤛᤧᤰᤂᤠᤛᤠᤱ ᤁᤴ ᤔᤏᤠ᤺ᤱᤃ ᤋᤠ᤺ ᤗ᤹ᤖᤡᤰ ᤀᤡ᤺ᤵᤔᤏᤠᤒᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤧᤴᤏᤣᤖᤥ॥”

⁴¹ᤘᤣ᤹ᤜᤠ᤹ᤖᤧ ᤔᤧᤒᤠ᤺ᤳᤋᤢ “ᤂᤢᤏᤧ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤖᤥ॥” ᤁᤖ ᤀᤠᤸᤗᤛᤠᤱ ᤘᤣ᤹ᤜᤠ᤹ᤖᤧ ᤀᤰᤂᤣᤗ᤹ᤖᤡᤰ ᤔᤧᤒᤠ᤺ᤳᤋᤢ. “ᤁᤱᤃ ᤐᤥ᤺ᤱᤔᤠᤀᤣ ᤔᤧᤛᤢᤰᤏᤧᤴᤗᤥ. ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋᤧᤱᤃ ᤃᤠᤗᤡᤗ ᤌᤢᤶᤔᤥᤗᤠᤶ ᤔᤧᤍᤠᤏᤧᤴᤗᤥ॥

⁴²ᤛᤠᤶᤕᤥᤛᤠᤵᤗᤠᤀᤥ ᤋᤥ᤺ᤴᤍᤥ᤺ᤴᤏᤠᤱ ᤛᤠᤵᤋᤧᤀᤠᤱ ᤐᤳᤗᤥ. ‘ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤱᤃ ᤍᤠᤀᤢᤍ ᤜᤠᤱᤅᤡᤸᤗᤧ ᤁᤢᤜᤡᤶᤛᤕᤱᤗᤠᤶ ᤜᤧᤰᤁᤩᤠᤱ ᤍᤠᤀᤢᤍ ᤜᤠᤱ ᤘᤕᤧᤒᤠ ᤒᤧᤌᤗᤣᤜᤧᤔ ᤐᤠᤱᤈᤢᤶᤔᤥ ᤛᤠᤘᤠ᤺ᤴᤇᤡᤱᤗᤥ॥’”

⁴³ᤀᤰᤂᤣᤗ᤹ᤖᤡᤰ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤔᤧᤍᤅᤧᤴᤏᤠᤱ ᤔᤧᤛᤧᤖᤧᤖᤥ॥

⁴⁴ᤁᤢᤓᤠᤖᤧ ᤂᤢᤏᤧ᤹ ᤋᤧᤶᤔᤠ ᤔᤧᤃᤥ᤺ᤳᤋᤢ. ᤁᤖ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤂᤢᤏᤧ᤹ ᤜᤢᤰ ᤔᤧᤴᤕᤠᤰᤋᤢᤴᤗᤥ॥

⁴⁵ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤍᤧᤶᤛᤧ ᤁᤧᤍᤠ᤺ᤒᤠ ᤔᤠᤱᤜᤡᤶᤔᤥᤒᤠ ᤋᤡᤗᤡᤱᤃᤠᤜᤠ᤹. ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤑᤖᤡᤛᤡᤜᤠ᤹ᤖᤥ ᤀᤠᤶᤓᤠ ᤔᤧᤏᤢ᤺ᤰᤂᤧ ᤔᤧᤒᤣᤖᤥ॥ ᤂᤧᤱᤜᤠ᤹ᤖᤧ ᤔᤠᤱᤜᤡᤶᤔᤥᤒᤠ ᤋᤡᤗᤡᤱᤃᤠᤜᤠ᤹ ᤛᤣ᤺ᤴᤔᤧᤍᤥᤛᤢᤛᤡ “ᤌᤣᤀᤠᤱ ᤂᤢᤏᤧ᤹ ᤁᤧᤴᤍᤧᤶᤛᤢᤶᤔᤡᤴ ᤁᤧᤴᤍᤠᤖᤢᤔᤡᤶᤒᤠᤒᤣ᥅”